Ukufisulula 7:2 - Chipangano Chabwangu

² Elo nabwenepo umungelo naumbi uwafumine kumutule-suba, ali nechishibilo chaku Lesa uwabumi. Abilikishe neshiwi ilikulu kubangelo bane mbalya abo apele ifiso fyakonaula ichalo namenshi amuli bemba.

Ukufisulula 7:2 ပူးပေါင်းရင်းမြစ်များ

Mateyo 16:16

Simoni Petulo alyasukile ati, “Niwe Uwasubwa waku Lesa ngulya uwalayilwe, Mwana Lesa wabumi.”

Mateyo 26:63

Yesu ali chelele, nokwasuka, yii. Elo chipupila mukulu asosele kuli Yesu ati, “Nkokweba mwishina lyaku Lesa uwabumi ukuti utwebe mukulapa kati niwe Klistu, Umwana waku Lesa?”

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

2 Kolinto 1:22

akakatikapo ichishibilo chakwe, nokubika Mupashi Wabuta mumitima yesu ngechishininkisho chamfilya ifikoyisa.

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

1 Tesalonika 1:9

Bonse mbalya bantu basosa pafyo mwatupokelele bwino ulo twamutandalile napafyo mwayalukile ukulomba tungosa wakubasa nokutatika ukulomba Lesa wachine umumi.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

Hebele 12:22

Nomba mwebo mwafika ku Lupili lwa Sioni, kumushi waku Lesa uwabumi, e Yelusalemu wakumulu, ukwaba chinkupiti wabangelo.

Ukufisulula 1:3

Alishuka umuntu upenda ibuku ndi. Balishuka nabo abomfwa amashiwi amuli ndi buku nokulama ifyalembwamo. Pakuti inshita iyo fyakuchitikilamo fyonse mfi ili apepi.

Ukufisulula 10:1

Elo nabwene umungelo umbi uwafiso akoyika ukufuma kumulu. Ayinjile mwikumbi napamutwi pakwe pali inkongolo. Ichinso chakwe chali kubati kasuba namolu akwe yali kubati insenamina shamulilo.

Ukufisulula 10:4

Ulo inkuba shilya shashilile ukubuluma, nafwayile ukulemba. Nomba nalyumfwile amashiwi ayafumine kumulu akoti, “Wifisululapo ifyo ifibulumo fisano na fibili filabile. Wilembapo iyowo!”

Ukufisulula 16:12

Panuma yakwe umungelo walenga basano na umo alitulwile ifyamumbale yakwe panika iikulu iya Yufuletisi. Epo amenshi yakwe yalikamine, ukuti imfumu ishakumutule-suba shisange apakupita.

Ukufisulula 5:2

Penkapo nalibwene umungelo wafiso uwali kusosa neshiwi ilikulu ati, “Ninani uungakambatula ifishibilo mfi ukuti akupule ibuku ndi?”

Ukufisulula 8:3

Umungelo umo alishile nokwimakana pambali yachipupilo. Alikwete ichakubikilapo utwanunkila ichagolide. Alipelwe notwanunkila utwinji ukuti apupile pamo nokulomba kwabantu bakwe bonse pachipupililo chagolide pantanshi yamupando waku Lesa.

Ukufisulula 9:14

Ishiwi ndi lyasosele kumungelo wachisano na umo uyo uwakwete ulupenga ati, “Kakula abangelo bane abo abakakilwe panika ikulu iya Yufuletisi!”

Ukufisulula 9:4

Elo shalikanishiwe ukuonaula isani, ifiti nangula ichimena ichili chonse. Shalisuminishiwe bwaka ukuchusha abantu abatakwetepo ichishibilo chaku Lesa pampumi shabo.