Ukufisulula 2:3 - Chipangano Chabwangu

³ Nalishiba ukuti walitekanya, walichula pamulandu wakunebo, elo tawanenukapo.

Ukufisulula 2:3 ပူးပေါင်းရင်းမြစ်များ

Maliko 15:21

Munshila bakumenye umuntu umo, Simoni uwaku Sailini, wishi waku Alekisanda na Lufusi, alikufuma mumpanga. Eye bakakatishe ukupintilako Yesu umutashi.

Luka 14:27

Onse uutapintapo umutashi wakwe nokunkonka talingile ukubapo uwakusambila wanji.

Luka 18:1

Yesu aebele nakambi abakusambila bakwe ichelusho ichakuti bakowamina ukulomba inshita shonse ukwambula ukunaka.

Luka 21:19

Mube abakosele, elo mwakwipulusha mwebene.

Luka 5:5

Simoni ayasukile ati, “Bashikulu, ubushiku bonse tulichulile, tatwipeyepo nangu kamo, kuntu pakuba mwasosa mwebo katuteye amasumbu.”

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Loma 12:12

Mulokusekelela mukulolela kwenu. Shipikisheni munshita shamachushi. Elo mulokulomba lonse.

Loma 16:12

Nkoposha umutende kuli Tulayifena nakuli Tulayifosa, bo abapyunga umulimo waku Bashikulu nefiso. Muposhe umutende na Pesisi umutemwekwa wanji, alichitile ifinji mukupyungila Bashikulu.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 8:25

Elo nga tukolindila icho tatulabonapo tulingile ukulindila nomutima-tenka.

1 Kolinto 13:7

Ukutemwa kulelela fyonse, kulachetekela inshita shonse, kulalindilila, elo kulashipikisha.

1 Kolinto 16:16

Echo nkomupapata bawesu ukuti mulokumfwila abantu bamfi, elo na onse uupyunga umulimo mukuyipela pamo nabo.

2 Kolinto 10:15

Tatwitondayishapo ukuchila amalile mumilimo yabantu bambi abali kupyunga pakati kenu. Ichikulu tukolindila ukuti ichichetekelo chenu chakukula, nokuti umulimo wesu pakati kenu wakukula, nomba tekuchilapo amalile esu.

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 4:1

Lesa, mubwanshi bwakwe, alitupela umulimo ngu. Echo tatunenuka imitima.

2 Kolinto 4:16

Echo tatutomposha umutima. Nangu imibili yesu ikoba yanaka, nomba mumitima yesu tukopokelela ifiso fyabwangu akasuba nakasuba.

2 Kolinto 5:9

Echo nangu tuli muno nangu muli Bashikulu, tufwaya ukubasekesha.

2 Kolinto 6:5

Mukupumwa, mukuposwa muchifungo namufimfulunganya. Mukubombesha, mukutona utulo namunsala.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

Galatiya 6:9

Echo twinakapo ukuchita ifiweme pakuti panshita iilingile twakusepa nga tatunakilepo.

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Filipi 4:3

Elo nkokupapata nawebo, wemunanji umwinenene pamulimo wesu ngu ukuti ubafwilisheko abanakashi mba. Pakuba balibombele ukwinekantu pamo nandibo mukutanda Ubutumi Bwawama. Elo babombele na Kilementi pamo nababomfi bananji bambi abali namashina aabo aalembelwe mwibuku lyabumi.

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Tesalonika 2:9

Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.

1 Tesalonika 5:12

Tukomupapata mwe bawesu, mulokuchinshika abakobombela pali mwebo, nentungulushi shenu, muli Bashikulu Yesu Klistu, nabo abakomuchenjeshako.

2 Tesalonika 3:13

Nomba mwe bawesu, mwikatalapo ukuchita ifiweme.

2 Tesalonika 3:5

Bashikulu batungulule imitima yenu ukuti mwishibe ukutemwa nokufuka umutima kuli Klistu.

2 Tesalonika 3:8

Tatwapokelepo ubwafwilisho ubuli bonse ukufuma kumuntu uuli onse ukwambula ukulipila iyowo. Nomba twabombele nokuchula fwenka akasuba nobushiku, ukuti twichushapo nangu umo muli mwebo.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.

1 Timoti 5:17

Abakulu bachilonganino abatangilila bwino ifilonganino fyabo, balingile ukuchinshikwa ukwinekantu. Muchishepo pali bo ababilisha nokusambisha amashiwi aku Lesa.

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

Hebele 13:13

Katiyeni nomba kuli kunse yamushi nokuchulila nakwe pamo.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

Hebele 6:12

Tatukofwayapo ukuti mube abanang’ani iyowo, kuntu mube kubati nimbalya abakupokelela ifyo Lesa alayile ukupitila mukuchetekela nokuteka imitima yabo.

Hebele 6:15

Elo Abulahamu alilindile mukutekanya. Echo alipokelele ifyo Lesa amulayile.

2 Petulo 1:6

Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

Ukufisulula 3:10

Pakuti walilama amashiwi anji nokushipikisha, nandibo nakukusunga panshita iyamafya ayo ayakwisa pabantu bonse pachalo ukuti beshekwe.