Ukufisulula 13:4 - Chipangano Chabwangu

⁴ Elo balilombele ichisoka pamulandu wakuti chalipele insambu shachiko kuchiswango. Panuma balilombele ichiswango nchi ati, “Mba wingapalana nechiswango nchi ninani? Elo ninani engalwa nacho?”

Ukufisulula 13:4 ပူးပေါင်းရင်းမြစ်များ

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

2 Tesalonika 2:4

Engulya uukotalikana na Lesa nokuyibika pamulu pali fyonse fikoyitwa ati balesa nangula ifyo balomba. Akwibika namunanda yaku Lesa. Elo akuyita ati ni Lesa mwine.

Ukufisulula 12:3

Kwalibonekele ichishibilo ichakushimbwisha chimbi ichikulu kumulu ichiswetele chee. Chalikwete imitwi isano na ibili nensengo ikumi. Elo pamutwi uuli onse chalifwite ingala iyabufumu.

Ukufisulula 12:4

Nomuchila wachiko chalikololeleko ichiputulwa chimo ichalenga fitatu ifyantandala shakumulu nokushiponya panshi. Elo chisoka nchilya chapilibwike kumwanakashi uwali mupepi nokupapa umwana ukwebati nga apapa umwana ngulya chimulye.

Ukufisulula 13:11

Panuma yaku mfi nalibwene nachimbi ichiswango chalikushukuka panshi. Chalikwete amasengo abili kubati lusengo lwamwana wambelele, kuntu chalikusosa kubati chisoka.

Ukufisulula 13:15

Ichiswango chabubili chalisuminishiwe ukuputa umupu uupela ubumi kuchipasho ichachiswango ichakwamba ukuti chilokusosa nokwipaya bonse bo abatakochilombapo.

Ukufisulula 13:2

Ichiswango nchilya nabwene chali kubati nimbalali. Amakasa yakwe ali kubati makasa yachimbole nakanwa kakwe kubati kankalamo. Elo ichisoka nchilya chalipele ichiswango ifiso fyachiko, umupando nensambu shachiko.

Ukufisulula 17:14

Mba bakulwa no Mwana wambelele, kuntu Ye pamo nabantu bakwe abayitwa, abasalwa nakambi abachetekela bakuchimfya pakuti Ye ni Mfumu ishamfumu nakambi ni Ntungulushi ishantungulushi.”

Ukufisulula 18:18

Pakubona ichushi ichalikufulumuka mumushi uwalikupya, balilile nokusosa ati, “Napo kwalipo umushi uukulu kubati niingu?”

Ukufisulula 9:20

Elo kwashele abantu bambi abatayipelwe kufinkunka mfilya. Nangu chali mfi, tabalapilepo nokuleka ifyo bayipangile abene. Tabalekelepo ukulambila imipashi iibi, tungosa wakubasa utwagolide, silubale, umukuba, amabwe nefiti, ifyo ifitabona, ifitomfwa nokutenda.