Ukufisulula 11:1 - Chipangano Chabwangu

¹ Elo nalipelwe akati kakupiminako nokunjeba ati, “Koya kapime inanda yaku Lesa nechipupililo. Elo upende abo abalombela munanda nji.

Ukufisulula 11:1 ပူးပေါင်းရင်းမြစ်များ

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

Ukufisulula 10:11

Penkapo anjebele ati, “Ulingile ukubilisha ubutumi bwaku Lesa kufyalo fyonse, kumishobo yonse, kumilaka yonse, elo nakushamfumu shonse.”

Ukufisulula 21:15

Umungelo ngulya uwalikusosa kuli nebo, alikwete inkonto yagolide iyakupiminako umusumba ngu nefiseko nakambi nechibumba chachiko.