Taitasi 3:8 - Chipangano Chabwangu

⁸ Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Taitasi 3:8 ပူးပေါင်းရင်းမြစ်များ

Mateyo 20:4

Elo abebele ati, ‘Namwebo kamuya mwibala lyanji, nakwisa kumufolesha isho mulingile ukufola. Nabo balile.’

Yohane 12:44

Yesu asosele mwishiwi ilikulu ati, “Uyo onse uukonchetekela takochetekela muli nebo nenka iyowo, kuntu akochetekela namuli ngulya uwantumine.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Imilimo ya batumwa 12:15

Nabo bamwebele bati, “Napo wafunta!” Umwanansungu ena akonkobeshefye ukuti chali ichachine. Elo nabo basosele ati, “Nalimo mungelo wakwe.”

Loma 4:5

Kati umuntu achetekela bwaka mushila yakuyitakisha mumilimo yakwe, Lesa uubona imbifi ukuba abakaele pamulandu wachichetekelo chakwe.

2 Kolinto 4:13

Amalembo asosa ati, “Nalichetekele, echo nalisosele.” Pakuti nafwe twalichetekela, echo tulasosa.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

1 Timoti 2:8

Nkofwaya ukuti lonse ulo mwalongana abalalume balokwimya amaboko abo pakulomba. Balokuchita mfi mukupela umuchinshi kuli Lesa ukwambula ukukalipa nangula ukutalika.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

Taitasi 1:9

Ekale uwayikatilila amashiwi aachine ayo twamusambishe. Muli nchi kuti akoselesha nabambi amasambilisho yachine nokushinina bo abakwetepo fitala.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Taitasi 3:1

Ulokubebukisha abantu bobe ukuti balokunakila ishamfumu nentungulushi. Balokubomfwila nokubomba bwino imilimo yonse.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Filimoni 1:11

Akale takwetepo akantu kuli webo, kuntu nomba mupyungi umwinenene kuli webo, elo nakuli nebo.

Hebele 10:24

Echo tulokwibukishanya, tulokwafwana, tutemwane nokupyunga imilimo iiweme.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.