Taitasi 3:7 - Chipangano Chabwangu

⁷ Lesa alichitile mfi ukwebati mubwanshi bwakwe, utulungamike pamenso yakwe. Elo twakupokelela ubumi butapwa ubo tulindilila.

Taitasi 3:7 ပူးပေါင်းရင်းမြစ်များ

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Maliko 10:17

Ulo Yesu alikuya, umwalalume umo alimubutukile, ayile kufukama pantanshi yakwe, nokumufumba ati, “We musambishi uuweme, chindo ningachitapo ukuti nkapoke ubumi butapwa?”

Loma 11:6

Asalile pamulandu wabwanshi bwakwe, tepamilimo yabo iyowo. Nga chali pamilimo yabo, nga tabwali ubwanshi.

Loma 3:24

Nomba mubwanshi bwakwe ubuli bupe bwaka, alalungamika abantu bonse ukupitila muli Yesu Klistu uwatupulwishe.

Loma 3:28

Umuntu alalungamikwa na Lesa ukupitila mukuchetekela, te kulamapo Amafunde iyowo.

Loma 4:16

Echo ubulayo bwayimakene pachichetekelo ukwebati ubulayo mbu bushininkishiwe ukuba ubupe bwaku Lesa kubana bonse abakwa Abulahamu. Te kuli mbalya benka abalama Amafunde akwa Mosesi iyowo, kuntu nabo abachetekela kubati nimfilya Abulahamu achetekele. Pakuti Abulahamu echikolwe chesu tonse.

Loma 4:4

Emukuti umuntu onse uubomba alalipilwa. Amalipilo nga tayalipo ubupe bwaka iyowo. Echo afwile ukupelwa pamulandu wakupyunga kwakwe.

Loma 8:17

Pakuti nomba tuli baku Lesa, twakupokelela ishuko, ina, ishuko ilifuma kuli Lesa. Kati tukochula pakuti tuli abena Klistu, twakupokelela umuchinshi pamo na Ye.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Galatiya 3:29

Nga muli abaku Yesu, ekwebati muli bana abakwa Abulahamu abalinga ukupokelela ifyo Lesa alayile.

Galatiya 4:7

Echo tewepo musha iyowo, kuntu umwana. Icho uli mwana wakwe, Lesa akulengele ukuba uwakusenda ububoni bwakwe.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Taitasi 2:11

Elo Lesa alanga ubwanshi bwakwe pakufwaya ukupulusha abantu bonse.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Hebele 1:14

Napo abangelo, temipashi iikomupyungila bwaka, iyo Lesa atuma ukwafwilisha bo abakupuluka.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

Hebele 11:9

Muchichetekelo alikele muchalo icho Lesa amulayile ngo mweni. Alikwikala mumatenti pamo na Isake na Yakobe, bo abapokelele ubulayo bumo bwenka kuli Lesa.

Hebele 6:17

Lesa alefwaya ukushininkisha kuli bo abakupokelela ifyo alayile ukuti tekutipo apilibuke mukulaya kwakwe. Emulandu wine alayile pakulapa.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

1 Petulo 3:7

Namwebo mwe balume mulokwikala bwino nabakashi benu. Mulingile ukubachinshika pakuti bo bantu abatakosele. Elo mwakupokelela pamo ichabupe chabumi butashila icho Lesa akupela mubwanshi bwakwe. Mulokuchita mfi ukuti pebapo akakulesha ukulomba kwenu.