Taitasi 3:3 - Chipangano Chabwangu

³ Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Taitasi 3:3 ပူးပေါင်းရင်းမြစ်များ

Mateyo 21:29

Naye ayasukile ati, ‘Nshikofwayapo.’ Nomba panuma alilangulukilemo nokuya kubomba.

Luka 21:8

Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.

Yohane 8:34

Yesu asosele ati, “Nachine umuntu onse uuchita amabifyo, epela musha wamabifyo.

Loma 11:30

Akale mwe abenafyalo tamwalikumfwilapo Lesa. Nomba Lesa amubela ichisa pantu Abaisilaeli tabamunakilepo Lesa.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

Galatiya 6:3

Nga chakuti umuntu akoyilanguluka ukuba akantu, elo tapapo nefyo aba, akoyipunamika enka.

Kolose 1:21

Namwebo kale mwali bwaka ukutali na Lesa, elo mwali utupondo twakwe pafintu fyabipa ifyo mwalikulanguluka nokuchita.

Kolose 3:7

Namweba kale efyo mwali ulo mwalikufichita mfi.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

2 Timoti 3:6

Bambi baku bo balenjila munanda yabantu nokuchenjeleka abanakashi abanaka kufibi, nakambi abatungululwa nolunkumbwa ulupusene-pusene.

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

Taitasi 2:12

Ubwanshi mbu butusambisha ukuti tutalamukeko kubumi ubwamusalula nolunkumbwa ulwamufyachalo. Butusambisha ukuba abakwilama, abaololoka nokuchinshika Lesa muli nji nkulo.

Yemusi 1:26

Nga chakuti kuli umuntu uukoyilanguluka ukuti alalomba Lesa, elo tasungapo akanwa kakwe, ukulomba kwakwe kwabwaka nakambi akoyibepapo.

1 Petulo 1:14

Mwikale nga abana bachumfwila. Mushe imibele iyo mwalikukonka kale mukuteshiba kwenu.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 18:2

Alibilikishe neshiwi ilikulu ati, “Wawa, wawa Babiloni we wayishibikwa! Wayaluka ichifulo chakwikalamo imipashi iibi, ichakusungilamo nefyoni fyonse ifibipile ifyabusali.