Taitasi 3:2 - Chipangano Chabwangu

² Mulokubeba ukuti belokusosapo ifibi kumuntu uuli onse, kuntu ukuba abamutende nechumfwilo. Inshita shonse balokupela umuchinshi kubantu bonse.

Taitasi 3:2 ပူးပေါင်းရင်းမြစ်များ

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Imilimo ya batumwa 23:5

Elo Paulo ayasukile ati, “Mwe bena Isilaeli bananji, tanshishibilepo ukuti ngu ni Chipupila mukulu. Pakuti Amalembo asosa ati, ‘Mwilokumusosela ifibi kateka wabantu benu!’”

1 Kolinto 6:10

bang’o, bakabundulu, bachakolwa, abansele, nangula utupondo tabakenjilemo mubufumu bwaku Lesa.

1 Kolinto 9:19

Ndimuntungwa, tenepo musha wamuntu uuli onse. Nomba nayilengele umusha wabantu bonse ukwebati nonke abenji.

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Galatiya 6:1

Mwe bawesu, nga umo wakumwebo awila muchibi ichili chonse, mwe bakotungululwa no Mupashi Wabuta mulingile ukumubwesha. Muchite mfi nomutima wabufuke. Elo muchenjele ukwebati namwebo mwiwilamo mukweshekwa.

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Efeso 4:31

Mufumyeko pali mwebo ukulotoka nobukali, ukukalipa nokutosha nangula ukusosa amashiwi ayamusalula aali onse.

Filipi 4:5

Ukuyichefya kwenu kuboneke kubantu bonse. Bashikulu bali apepi.

1 Tesalonika 2:7

Nga batumwa baku Klistu, twalingile ukumweba ukuti mutumfwe, lelo twayichefeshe ulo twali namwe ukubati nibanyina abakolela umwana wabo.

1 Timoti 3:11

Abanakashi babo babe abamuchinshi, bebapo abalwambo iyowo. Elo babe abayichefya nokuchetekelwa muli fyonse.

1 Timoti 3:3

Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

Yemusi 4:11

Bawesu, mwilokulengululapo abanenu. Onse uulengulula umunakwe nangula ukumupingula, ekwebati alengulula nokupingula ifunde lyaku Lesa. Nomba nga wapingula ifunde lyaku Lesa, ekwebati taukolilamapo iyowo, kuntu ukolipingula bwaka.

1 Petulo 2:1

Echo posenipo ububi bonse, ubuchenjeshi bonse, bumbi-munda, mufimbila, nolwambo ululi lonse.

1 Petulo 3:10

Amalembo asosa ati, “Onse uufwaya ukutemwa ubumi, nokubona inshiku ishiweme, akanye ululumi lwakwe ukusosa ifibi, nemilomo yakwe ukusosa ubufi.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Petulo 4:4

Nomba abantu batachetekela balashimbwa pakubona mwebo mwalileka ukuchita ifintu ifibipile ifyo bo basekelelamo. Echo bakomusuulila.

2 Petulo 2:10

Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.

Yuda 1:10

Nomba mba bantu bapontela bwaka ifintu ifyo batayishibapo nomo filolele. Ifyo bayishiba fintu beshibile mumusango wanama ishitakwata mano, nakambi mfi fintu efikobonaula.

Yuda 1:8

Elo abantu banomba balachita fyenka mfilya. Mukukonka ifibonwa fyabo, balonaula imibili yabo, balakana insambu shaku Bashikulu nokulokutuka abaleme baku Lesa.