Taitasi 3:14 - Chipangano Chabwangu

¹⁴ Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Taitasi 3:14 ပူးပေါင်းရင်းမြစ်များ

Mateyo 21:19

Ulo abwene umukunyu mumbali yanshila, alileko ukuti alyeko amakunyu. Nomba asangileko bwaka amabula enka. Elo asosele kumukunyu ati, “Ukufuma nduno tawakatwalepo nakambi ifisabo.” Penkapo umukunyu ngulya walyumine.

Mateyo 7:19

Ichiti chonse ichitatwalapo ifitwalo ifiweme bakachitema nokuchiposa mumulilo.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 15:8

Bata bakochinshikwa muli nchi ichakuti mutwale ifitwalo ifinji, elo mukoyisa kuba abakusambila banji.

Imilimo ya batumwa 18:3

Alikele nokubomba nabo pantu ali uwakupikula amatenti kubati nibo.

Imilimo ya batumwa 20:35

Nalimulangilila muli fyonse ukuti mukupyungisha nefiso tufwile ukwafwa bo abatakwetepo ifiso. Ulo tulechita mfi, tufwile kwibukisha amashiwi aku Bashikulu Yesu uwasosele umwine ati, ‘Mukupela emwaba ishuko ukuchila mukupokelela.’”

Loma 12:13

Peniko ifyakwafwilisha kubena Klistu banenu abatakwetepo. Pokelelenipo abalwendo namaboko abili.

Loma 15:28

Ulo nakushila ukupyunga umulimo ngu nokubapela ifyabupe mfi, nakupitila nkulya pakuya ku Sipeyini.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 4:16

Ulo nali ku Tesalonika mwalikuntumina ubwafwilisho imiku iilingile.

Filipi 4:17

Tekwebati nkofwaya ichabupe kuli mwe, kuntu nkofwaya ukuti mushukishiwe pakupela kwenu.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

1 Tesalonika 2:9

Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.

2 Tesalonika 3:8

Tatwapokelepo ubwafwilisho ubuli bonse ukufuma kumuntu uuli onse ukwambula ukulipila iyowo. Nomba twabombele nokuchula fwenka akasuba nobushiku, ukuti twichushapo nangu umo muli mwebo.

Taitasi 2:8

Amashiwi obe abe aaweme ukuti onse uwachitala omfwe insoni. Abe uwambula akabi akali konse ako bengasangamo.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

2 Petulo 1:8

Nga mfi fyayikala muli mwebo ukuchishapo, tamwabepo abakangiwa nangu abatakwetepo akantu pamanu aakwishibilapo Bashikulu wesu Yesu Klistu.