Taitasi 3:1 - Chipangano Chabwangu

¹ Ulokubebukisha abantu bobe ukuti balokunakila ishamfumu nentungulushi. Balokubomfwila nokubomba bwino imilimo yonse.

Taitasi 3:1 ပူးပေါင်းရင်းမြစ်များ

Mateyo 22:21

Nabo bamwasukile ati, “Fyakwa Kayisale.” Elo abebele ati, “Kanshi peleni kuli Kayisale ifyakwa Kayisale, nakuli Lesa ifyaku Lesa.”

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

1 Timoti 2:2

Lombeleniko imfumu nabonse abali mubutungulushi ukuti bende mumutende, mubuleme namukuchinshika.

1 Timoti 4:6

Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

2 Timoti 1:6

Pamulandu ngu nkokwibukisha ukuti ichabupe icho Lesa akupele ulo nakubikilepo amaboko anji, uchilange ukuti chisanike ukubati mulilo.

2 Timoti 2:14

Wibukishe abantu mfi fintu nokubachenjesha ukwinekantu ukuti Lesa tafwayapo ukwebati balokukangana pamashiwi bwaka. Tachafwapo iyowo, kuntu chilafulunganya bwaka abo abakoumfwa.

2 Timoti 2:21

Nga muntu ayiwamya nokwitalushako kufyabipa, akubati chipe ichamuchinshi. Akwipela nomutima onse kuli Shikulu wakwe ukuti amubomfye. Akuba uwayipekanya ukupyunga umulimo onse uuweme.

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

2 Petulo 1:12

Echo shalekepo ukumwibukisha mfi inshita shonse nangu mulifishibile kale, elo mulachetekela ichine icho mwapokelele.

Yuda 1:5

Nomba mwilabukilapo ifyachitikile kubantu mbulya Bashikulu bapokolwele ukufuma ku Ijipiti. Bambi abamuli bo tabakwetepo ichichetekelo, elo panuma Lesa alibepeye.