Taitasi 2:7 - Chipangano Chabwangu

⁷ Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Taitasi 2:7 ပူးပေါင်းရင်းမြစ်များ

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

2 Kolinto 8:8

Tefundepo nkososa ulo nkomweba mfi. Ulo nkomweba ifyakuchinchila kwabantu bambi, nkofwaya bwaka ukwishiba nga ukutemwa kwenu kwachine.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

2 Tesalonika 3:9

Twachitile mfi, temulandu wakwebati tatukwetepo insambu ishakumweba ati mutwafwilisheko iyowo, kuntu ukuti chibe ichishibilo kuli mwebo.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

1 Petulo 5:3

Mwibapo nga imfumu pabantu abo mukotungulula, kuntu mube ichibwenesho ichiweme kuchilonganino.