Taitasi 2:2 - Chipangano Chabwangu

² Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

Taitasi 2:2 ပူးပေါင်းရင်းမြစ်များ

Maliko 5:15

Ulo bafikile kuli Yesu basangile umuntu uwali nemipashi iinji iibi alikele, nokufwala alifwite, namano akwe alibwelelemo. Elo bonse baliketwe nomwenso.

Luka 8:35

Abantu balile mukubona ichachitikile. Ulo bafikile kuli Yesu, basangile umuntu uwo imipashi yafuminemo alikele mupepi na Yesu, alifwite, namano akwe alibwelelemo. Elo bonse baliiketwe nomwenso.

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 9:25

Uuli onse uuchimfyana mulubilo alayikanya kuli fyonse. Ye alachita mfi ukuti apoke ingala iyonayika, nomba fwe tulachita ukuti tukapokelele ingala iitashila.

2 Kolinto 5:13

Nga chakuti twalikuboneka kubati tulipenene, twalichitile mfi ukuti tuchinshike Lesa. Nomba nga tukochita ifyamano, nipamulandu waku mwebo.

Galatiya 5:23

ubufuke nokuyilama. Tapapo ifunde ilyakukanya pali mfi fyonse.

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

1 Tesalonika 5:6

Echo tatufwilepo ukushipula nga mfilya bachita bambi, lelo tufwile ukulola nokwiteyanya.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

1 Timoti 1:10

Amafunde nga apangilwa abachenchemeshi nabang’o babantu babubi, bakamboni ababufi nambalya abachita ifintu fimbi ifyabipa ifitalolele muchine.

1 Timoti 1:14

Echo ubwanshi bwaku Bashikulu ubwinji bwalishile pali nebo. Alimpele ichichetekelo nokutemwa ifyo tukwete ukupitila muli Klistu Yesu.

1 Timoti 1:2

Nkokulembela webo Timoti mwana wanji uwakwebesha muchichetekelo. Lesa Bata na Klistu Yesu Bashikulu wesu bakupele ubwanshi, inkumbu, elo nomutende.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Timoti 3:11

Abanakashi babo babe abamuchinshi, bebapo abalwambo iyowo. Elo babe abayichefya nokuchetekelwa muli fyonse.

1 Timoti 3:2

Intanjishi yachilonganino ilingile ukuba umuntu uwambula akalema, uwaba nomwanakashi umo epela, uwamutembo, uwakuyilama, uwamuchinshi, uupokelela bwino abalwendo, elo uwayishiba ukusambisha.

1 Timoti 3:4

Abe uwayishiba ukusunga bwino abamunanda yakwe, ukusambisha abana bakwe ukuti balokumumfwila nokumuchinshika.

1 Timoti 3:8

Abakwafwa muchilonganino nabo babe abamuchinshi, bekwatapo indimi shibili, bechishapo ukunwa ifyakukola nangula ukufwaya ukukwata ububoni mubuchenjeshi.

1 Timoti 5:1

Wilokukalipilapo umuntu umukulu, kuntu ulabile nakwe kubati nibawiso. Abalumbwana nabo ulokubachita kubati nibawenu.

Taitasi 1:13

Amashiwi nga akwebesha. Echo ubashinine ukwinekantu bantu mba ukuti bakose ndi muchichetekelo chabo.

Taitasi 1:8

Nomba abe uupokelela bwino abalwendo, uwatemwa ifiweme, uwayibaka, uuchita ifyalungama, uwabuta, nakambi uwatekanya.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Filimoni 1:9

Nomba pamulandu wakukutemwa echalenga ukwebati nkupapatile bwaka, nebo ne Paulo umukote, nakambi ne uli muchifungo pamulandu waku Klistu Yesu.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

1 Petulo 5:8

Mulokutekanya nokuba abayibukila, pakuti akapondo kenu Satana akoyendauka uku nauku nge nkalamo ibuluma iikofwaya uwakwikata.

2 Petulo 1:6

Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.