Taitasi 2:14 - Chipangano Chabwangu

¹⁴ Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Taitasi 2:14 ပူးပေါင်းရင်းမြစ်များ

Mateyo 1:21

Akufyala umwana umwalalume. Elo webo wakwisa kumwinika Yesu, pakuti eukapulusha abantu bakwe kumabifyo abo.”

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Mateyo 3:12

Alikwete nolupe muminwe yakwe ulwakwelelako tiligu. Elo akututila tiligu mubutala bwakwe, kuntu imisungu mumulilo uutashimapo.”

Yohane 10:15

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Imilimo ya batumwa 15:14

Simoni Petulo alishilile ukusosa mpa ifyo Lesa alangile abenafyalo ukuti alabasakamana ukupitila mukusala bambi abaku bo nokubalenga ukuba abantu bakwe.

Imilimo ya batumwa 15:9

Lesa talangilepo akapatulula pakati kesu nabenafyalo. Alungamikile imitima yabo pantu balichetekele.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 9:36

Ku Yopa kwalipo umwanakashi umo uwachetekela uwali kwitwa Tabita. (Mu Chigiliki etwa Dokasi, ekwebati impombo.) Ngu mwanakashi apele inshita yakwe yonse ukuchita ifiweme kubantu bonse nokwafwilishako abalikubulisha.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

1 Timoti 2:10

Nomba bayipele mukupyunga imilimo iiweme pantu mfi efyalinga ukuchita abanakashi abayitunga ukulomba Lesa.

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

1 Timoti 6:18

Ubakoseleshe ukuti balokuchita ifiweme, ukuti abantu beshibilepo ati babuboni ukupitila mumilimo iiweme, nokuti bakane nomutima umo nabanabo.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

Hebele 10:24

Echo tulokwibukishanya, tulokwafwana, tutemwane nokupyunga imilimo iiweme.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Yemusi 4:8

Palamineni kuli Lesa, elo naye akupalamina kuli mwebo. Lekeni ububi mwe mbifi. Wamyeni imitima yenu, mwe bamitima iibi.

1 Petulo 1:18

Mulishibile bwino icho amupulwishisheko kubwikashi bwenu ubo mwasambilile kufikolwe fyenu. Taamupulwishisheko kufintu ifyonayika kubati silubale na golide iyowo.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

1 Yohane 1:9

Lelo nga twaebelela ububi bwesu kuli Lesa, ena wachishinka nakambi aba uwalungama, akatwelela ububi bwesu nokutuwamya kufyo tubifya.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.