Taitasi 2:13 - Chipangano Chabwangu

¹³ Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Taitasi 2:13 ပူးပေါင်းရင်းမြစ်များ

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Mateyo 25:31

“Ulo Umwana wa Muntu akwisa mubuleme bwakwe, pamo nabangelo bakwe bonse, akwikala pachipuna chakwe ichabufumu.

Mateyo 26:64

Elo Yesu amwebele ati, “Wasosa. Nomba nkomweba ati, ukufuma nomba mwakubona Umwana wa Muntu alikele kukuboko kwamulyo ukwaku Lesa umwine wafiso fyonse, mwakumubona uko akwisa mumakumbi amumulu.”

Maliko 14:62

Yesu amwasukile ati, “Ina, nine, nakambi mwakubona Umwana wa Muntu ekele kukuboko kwamulyo ukwaku Lesa umwine wafiso fyonse, mwakubona uko akwisa mumakumbi amumulu!”

Maliko 8:38

Pakuti uyo onse uwakuba nensoni pamulandu waku nebo namashiwi anji, muli njino nkulo iibipile, Umwana wa Muntu naye akwisa kumukwatila insoni ulo akwisa mubuleme bwaku Bawishi pamo nabangelo bakwe ababuta.”

Imilimo ya batumwa 24:15

Nalikwata ichichetekelo kuli Lesa icho namba bakwete ichakuti abantu bonse, abachetekela nabatachetekela, bakubuka kubafwa.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

1 Kolinto 1:7

Echo tapapo ubupe ubo tamukwetepo ulo mukolindila ukuboneka nakambi kwaku Bashikulu Yesu Klistu.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

2 Tesalonika 2:8

Elo nomba nji mbifi yakufisululwa. Nomba Bashikulu Yesu bakumwipaya nomupu uufuma mukanwa kabo. Bakumonaula nokuboneka kwabo ukwabuta ulo bakwisa.

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

2 Timoti 1:2

Nkolembela webo Timoti, mwana wanji uwatemwekwa. Lesa Bata na Klistu Bashikulu wesu bakukwatile ubwanshi, inkumbu nomutende.

2 Timoti 4:1

Pachinso chaku Lesa nechaku Klistu Yesu uyo uwakupingula abomi nabafwa, nkokukonkobesha, pamulandu wakwisa kwaku Klistu napabufumu bwakwe, ukuti

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Taitasi 1:4

Kalata nji nkolembela webo Taitasi mwana wanji pamulandu wachichetekelo icho fwebo babili tuli nacho. Lesa Bata pamo na Klistu Yesu Umupulushi wesu bakupele ubwanshi nomutende.

Taitasi 3:4

Nomba ulo ichisa nokutemwa kwaku Lesa Mupulushi wesu kwafisulwilwe,

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

Yuda 1:21

Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.