Taitasi 2:12 - Chipangano Chabwangu

¹² Ubwanshi mbu butusambisha ukuti tutalamukeko kubumi ubwamusalula nolunkumbwa ulwamufyachalo. Butusambisha ukuba abakwilama, abaololoka nokuchinshika Lesa muli nji nkulo.

Taitasi 2:12 ပူးပေါင်းရင်းမြစ်များ

Mateyo 12:32

Chimo chenka umuntu onse uwakwebaula Umwana wa Muntu kuti anakililwa. Nomba onse uwakupontela Umupashi Wabuta, takanakililwepo nangu munkulo njino nangula muli njilya iikoyisa.

Mateyo 16:24

Elo Yesu asosele kubakusambila bakwe ati, “Umuntu kati akofwaya ukunkonka ayikanye umwine nokupinta umutashi wakwe, elo ankonke.

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Luka 1:6

Bonse mba babili bali abantu abaweme nakambi abasekesha Lesa. Balikumfwila amafunde onse nokukonka ukufwaya kwaku Bashikulu.

Luka 1:75

Ukuti tube abapatulikwa nabaololoka pamenso akwe, munshiku shonse ishabumi bwesu.

Yohane 14:30

Tanshasosepo namwebo inshita iitali, pantu Satana, imfumu ya nchino chalo, ikoyisa. Nomba tayikwetepo ifiso fyakunchila.

Yohane 6:25

Ulo abantu basangile Yesu kwishilya limbi ilyaku bemba, bafumbile Yesu ati, “We musambishi, nilwisa mwayishile nkuno?”

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 6:19

Nimupela ichelusho nchi ichabusha icho mwayishiba ukuti mumfwikishe. Akale mwayipele mwenka ukuba abasha bwafikowesha nobubi bonse. Mushila imo yenka, mwipele nomba ukupyungila Lesa mukuchita ifiweme ifilanga ukuyipelesha kuli Ye.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Kolose 1:22

Nomba Lesa alimuwikishanya ukupitila mumfwa ya Mwana wakwe uwali nomubili kubati yesu. Achitile mfi ukwebati pamenso yakwe mube ababuta, abatakwetepo akalema nakambi abapwililika.

1 Tesalonika 4:7

Pakuti Lesa taatwitilepo ukuti twikale mukubifya iyowo, kuntu mukubuta.

1 Tesalonika 4:9

Ukusosa pafyakutemwana abena Klistu, tanshilingilepo nokumulembela pantu Lesa umwine amusambishe ifyo muli nokutemwana.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

1 Timoti 6:9

Nomba abantu abafwaya ububoni ubwinji, balawila mukweshekwa nakambi balekatwa kuchitembo ichalunkumbwa ulupusene-pusene ulwabupuba ulo ulubaposa mufibi.

2 Timoti 3:12

Nachine bonse abakofwaya ukuba nobumi ubwakumfwila Lesa muli Klistu Yesu, bakuchushiwa.

2 Timoti 4:10

Pakuti Dimasi, pamulandu wakutemwa ifyapanonshi, alinshile nokuya ku Tesalonika. Kileseni ayile ku Galatiya, elo Taitasi ayile ku Dalumatiya.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Hebele 8:11

Takwakabepo uwakusambisha umunakwe nangula ukweba wakwe ati, ‘Ishiba Shikulu.’ Pakuti bonse bakunjishiba abene benka, umwayiche nomukulu.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

2 Petulo 2:9

Nomba Lesa alishibile umwakubapokolwelamo abamulomba ukufuma kumesho. Elo alishibile nokupela umulandu abatalungama ulo bakolindila akasuba kakulekelesha.

2 Petulo 3:11

Nomba pakusanga ukuti ifintu fyakuba mfi, mulingile ukuba abantu bamusango shani? Mulingile ukwikala ababuta mukulomba kwenu.

1 Yohane 2:27

Lelo mwebo Klistu alimusuba no Mupashi Wabuta uyo uwayikala muli mwe. Pamulandu waku nchi, takufwayikapo umuntu nangu umo ukuti amusambishe. Umupashi Wabuta uyo mwasubwa wakulamusambisha fyonse. Fyonse ifyo akomusambisha fyachine nakambi tamuli ifyabufi iyowo. Echo kubati nimfilya amusambishe, mwikalilile muli Klistu.

1 Yohane 2:6

Uuli onse uusosa ukuti ali mwisenge na Lesa, alingile ukwikala ukubati nimfilya Yesu Klistu ayikele.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.

Yuda 1:18

ati, “Kunshita yakumupwilo kwakuba abantu abali kusalula Lesa nabantu bakwe, balikukonkela bwaka mulunkumbwa lwabo ulubi.”

Ukufisulula 14:12

Echo abantu baku Lesa balingile ukushipikisha, bo abalama amafunde yaku Lesa nechichetekelo icho bakwete muli Yesu.