Taitasi 2:11 - Chipangano Chabwangu

¹¹ Elo Lesa alanga ubwanshi bwakwe pakufwaya ukupulusha abantu bonse.

Taitasi 2:11 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Maliko 16:15

Alibebele ati, “Kamuya mufyalo fyonse nokubilisha Ubutumi Bwawama kubantu bamitundu yonse.

Luka 24:47

Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Luka 3:6

Nemishobo yonse yabantu yakwisa kubona ichipulusho chaku Lesa!’”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:9

Nku kwali ekusanika ukwinenene, ukwayisa muchalo nokusanikila abantu bonse.

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 13:43

Ulo ichilonganino chasalangene, Abayuda abenji nabenafyalo abalikukonka ifya Chiyuda, bakonkele Paulo na Banabasi. Elo nabo basosele amashiwi yakubakoseleshako ukuti bekalilile mubwanshi bwaku Lesa.

Imilimo ya batumwa 13:47

Pantu efyo Bashikulu batukonkobeshe ulo basosele ati, ‘Nakusonta ukuti ube inyali kubenafyalo, ukwebati uchipulushe ichalo chonse.’”

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Loma 10:18

Nomba nebo nkofumba ati, napo Abaisilaeli tabalaumfwapo Ubutumi Bwawama mbu? Iyowo, balyumfwile. Kubati nimfilya Amalembo asosa ati, “Amashiwi abo, alyumfwika ichalo chonse. Elo amashiwi abo, alifikile mumpelo shachalo chonse.”

Loma 5:15

Nomba ichabupe chaku Lesa tachalinganapo nobubi bwakwe Adamu. Abantu bonse balafwa pamulandu wakubifya kwamuntu umo, kuntu ubwanshi bwaku Lesa nobupe bwakwe fikulu ukuchilapo pantu filaletela ishuko kubantu bonse. Ichabupe icho Lesa apele ni Yesu Klistu.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

Galatiya 2:21

Nakana ukusula ubwanshi bwaku Lesa. Nomba nga umuntu apokelelwa uwalungama kuli Lesa mukulama Amafunde, ekwebati Klistu afwile apabwaka.

Efeso 2:5

Nangu twalifwile pamulandu wamabifyo esu, kuntu alitupele ubumi pamo na Klistu. Mwapulushiwe kubwanshi ubukulu bwaku Lesa.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

1 Timoti 1:14

Echo ubwanshi bwaku Bashikulu ubwinji bwalishile pali nebo. Alimpele ichichetekelo nokutemwa ifyo tukwete ukupitila muli Klistu Yesu.

1 Timoti 2:4

ngu uufwaya ukuti abantu bonse bapuluke nokwishiba ifyachine.

2 Timoti 1:10

Nomba Lesa alitufisulwila mfi mukwisa kwa Mupulushi wesu Klistu Yesu, engu uwachimfishe ifiso fyamfwa nokulanga ubumi butashilapo ukupitila mu Butumi Bwawama.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.