Taitasi 1:9 - Chipangano Chabwangu

⁹ Ekale uwayikatilila amashiwi aachine ayo twamusambishe. Muli nchi kuti akoselesha nabambi amasambilisho yachine nokushinina bo abakwetepo fitala.

Taitasi 1:9 ပူးပေါင်းရင်းမြစ်များ

Imilimo ya batumwa 18:28

Apolosi achimfishe Abayuda mukutalikishanya kwapalwalala. Alikubalanga ukufuma Mumalembo aku Lesa ukuti Yesu e Wasubwa waku Lesa.

1 Kolinto 14:24

Nomba nga bonse bakoshimika amashiwi aku Lesa, elo muntu uutachetekelapo nangu uutayishiba ayinjila, akushininwa kufyo akoumfwa. Amashiwi onse akumwinjila mumutima,

1 Tesalonika 5:21

Lelo mweshe ifintu fyonse. Mulame ifiweme.

2 Tesalonika 2:15

Echo bawesu, mwimakane ndi nokwikatisha ifyo twamusambishe ulo twamushimikile nangula ifyo twalembele.

1 Timoti 1:10

Amafunde nga apangilwa abachenchemeshi nabang’o babantu babubi, bakamboni ababufi nambalya abachita ifintu fimbi ifyabipa ifitalolele muchine.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

1 Timoti 1:19

Wikatishe ichichetekelo chobe, ube nomutima wambula akalema. Abantu bambi tabomfwila kampingu wabo, elo baonaula ichichetekelo chabo.

1 Timoti 4:9

Amashiwi nga alingile ukuyapokelela nokuyachetekela.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

2 Timoti 1:13

Ubakishe onse amashiwi ayanenene ayo waumfwile kuli nebo ukuti abe ichakubwenako chobe. Uchite mfi muchichetekelo nechitemweko icho ukwete muli Klistu Yesu.

2 Timoti 2:2

Amashiwi onse waumfwile kuli nebo pamenso yabakamboni abenji, uyasose kubantu abachetekela abo bakwisa kusambisha bambi.

2 Timoti 2:25

Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.

2 Timoti 3:14

Nomba webo ikatisha amashiwi ayo wasambilile nokuyachetekela. Pakuti walishiba abakusambisha,

2 Timoti 4:3

Pakuti inshita yakwisa ulo abantu bakukana ichisambisho chachine, kuntu bakukonka ifyamikalile yabo, nokuyifwayila abasambishi abakubeba ifyo bakabila ukumfwa.

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

Taitasi 2:1

Nomba webo, ulokusambisha ifyalinga nechisambisho ichachine.

Yuda 1:3

Mwe batemwekwa, nafwayisha ukumulembela kalata ukuti mulondolwele ifyakupuluka kwesu bonse. Nomba nabona ukuti ichalikufwayikwa bwangu-bwangu kumulembela nokumukoseleshako, ukuti mutwalilile ukulwila ichichetekelo icho Lesa apelele bwaka kubantu bakwe abapatulika.

Ukufisulula 2:25

Nomba mwebo mulokulamisha icho mukwete ukufikila ulo nakubwela.

Ukufisulula 3:11

Nkoyisa bwangu-bwangu. Ikatisha icho ukwete ukuti kwibapo uwakukupokolola ingala yabumi.

Ukufisulula 3:3

Nomba languluka ifyo wasambilile nokumfwa. Ufiikatishe nakambi ulapile. Nga tawabuke nakwisa kubati mung’o nakambi tawakeshibepo inshita iyo nakwisa kuli webo.