Taitasi 1:8 - Chipangano Chabwangu

⁸ Nomba abe uupokelela bwino abalwendo, uwatemwa ifiweme, uwayibaka, uuchita ifyalungama, uwabuta, nakambi uwatekanya.

Taitasi 1:8 ပူးပေါင်းရင်းမြစ်များ

Luka 2:25

Boneni mu Yelusalemu mwali umuntu uwali kwitwa Simyoni, umuntu uwaololoka uwalikumfwila Lesa. Alikulindilila ichakupulusha Isilaeli. Umupashi Wabuta wali pali ye.

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

1 Tesalonika 2:10

Mwebo muli bakamboni pamo na Lesa ukuti ubumi bwesu ulo twali namwe bwali ubwapwililika, ubwaololoka, elo ubutakwetepo akalema nakambi bwalikusekesha Lesa.

1 Timoti 3:2

Intanjishi yachilonganino ilingile ukuba umuntu uwambula akalema, uwaba nomwanakashi umo epela, uwamutembo, uwakuyilama, uwamuchinshi, uupokelela bwino abalwendo, elo uwayishiba ukusambisha.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

2 Timoti 2:22

Elo webo utalukeko kumibele iibi iyabulumbwana. Uchite bwaka ifyalungama, ichichetekelo, ichitemweko nomutende pamo nabantu bonse abachinshika Bashikulu nomutima wabuta.

2 Timoti 3:3

Tabakakwatepo ichitemweko, abatanakila, ababepesha banabo, abatayilama, abakali, abatafwayapo ifiweme.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.