Taitasi 1:2 - Chipangano Chabwangu

² nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Taitasi 1:2 ပူးပေါင်းရင်းမြစ်များ

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Maliko 10:17

Ulo Yesu alikuya, umwalalume umo alimubutukile, ayile kufukama pantanshi yakwe, nokumufumba ati, “We musambishi uuweme, chindo ningachitapo ukuti nkapoke ubumi butapwa?”

Maliko 10:30

uutayise kupokela ifinji muli njino nkulo. Akwisa kupokela mananda ukuchila imiku umwanda umo, bawabo, bankashi, banyinabo, abana, amabala, kuntu nefisunsho alikuli nafyo, epo munshita ikesako akwisa kupokelapo ubumi butapwa.

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 17:2

Ukubati nimulya mwamupela insambu pabantu bonse, ukuti bonse abo mwamupela abapele ubumi butashila.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 5:39

Mulafwayilisha ifya Mumalembo Apatulika pantu mulanguluka ukwebati emo mwingasangamo ubumi butashila. Nga Malembo eapela bukamboni pali nebo.

Yohane 6:54

Umuntu onse uwakulya umubili wanji nokunwa umulopa wanji akuba nobumi butashila, elo nakwisa kumubusha pakasuba kakumupwilo.

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Imilimo ya batumwa 15:18

Efyo Bashikulu Lesa bakososa, abafisulwile mfi ukufuma nakukale.’”

Loma 1:2

Ubutumi mbu Lesa abulayile akale ukupitila mubasoseshi bakwe. Elo bwalembelwe mu Malembo Aabuta.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 5:4

Nakushipikisha kuleta ubwikashi bufwaya Lesa. Nambu bwikashi ebutupela ukulindila.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

1 Tesalonika 2:15

Emba abayipeye Yesu Klistu nabasoseshi bakale pamo nafwebo. Mba bantu tabakosekeshapo na Lesa. Elo balapatana nabantu bonse.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

1 Timoti 6:19

Muli nji nshila emo bakuyimakila umufula ukosele pakuyipekanishisha ifikoyisa ukuti bakapokelele ubumi ubwinenene.

2 Timoti 1:1

Nine Paulo umutumwa waku Klistu Yesu mukufwaya kwaku Lesa. Alintumine ukuti mbilishe ubumi mbulya Lesa alayile ubo twakwata muli Klistu Yesu.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

2 Timoti 2:13

Nga fwebo tatulipo abachetekela, Ye aba uwachetekela, pakuti tekutipo ayitalike umwine.”

2 Timoti 2:15

Esha ukuba uwayipelesha kuli Lesa nga umupyungi uwambula akalema, uulondolola amashiwi anenene aku Lesa mukwebesha.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Taitasi 3:7

Lesa alichitile mfi ukwebati mubwanshi bwakwe, utulungamike pamenso yakwe. Elo twakupokelela ubumi butapwa ubo tulindilila.

1 Yohane 2:25

Nchi echo Klistu umwine alayile ukutupa, ubumi bwamuyayaya.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

Yuda 1:21

Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 17:8

Ichiswango icho wabona, inshita imbi chali ichabumi, kuntu nomba tachikwetepo ubumi. Chili mupepi nokufuma muchilindi ichitapelapo ukuti chikonaulwe. Abantu bonse abekala pachalo abakwete amashina atalembelwepo mwibuku ilyabumi ukufuma ukutatika kwachalo, bakushimbwa pakubona ichiswango nchi. Chali nobumi, kuntu nomba tachikwetepo. Nangu chibe mfi, chakwisa kuboneka nakambi.