Taitasi 1:16 - Chipangano Chabwangu

¹⁶ Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

Taitasi 1:16 ပူးပေါင်းရင်းမြစ်များ

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

1 Timoti 1:9

Tulingile ukwibukisha ukuti amafunde taapangilwa pabantu abaololoka, kuntu bampula-mafunde, notupondo, abatachetekelapo Lesa, imbifi, abatalombapo, abepaya bawishibo nabanyinabo, elo nabantu bambi.

1 Timoti 5:8

Nomba umuntu nga takosakamanapo abamukowa wakwe, ukuchilapo abamulupwa lwakwe umwine, ngu muntu aliposa ichichetekelo chakwe nakambi mubi ukuchilapo noutachetekela.

2 Timoti 3:17

Echo Amalembo alafwilisha muntu waku Lesa ukuti abe uwayipekanya ukuchita ichili chonse ichilungeme.

Taitasi 3:1

Ulokubebukisha abantu bobe ukuti balokunakila ishamfumu nentungulushi. Balokubomfwila nokubomba bwino imilimo yonse.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Ukufisulula 21:27

Nomba mumusumba ngu tamwakenjilemo akantu nangu kanini akabipa nangula abantu bachita ifyansoni, nangula ababufi. Abantu abakwinjilamo nimbalya abakwete amashina ayalembwa mwibuku ilyabumi ilya Mwana wambelele.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”