Taitasi 1:12 - Chipangano Chabwangu

¹² Umo umusoseshi waku bo asosele ati, “Abantu baku Kileti babufi lonse, balibipile ukubati ninama, nakambi batemwa umusheto abanang’ani.”

Taitasi 1:12 ပူးပေါင်းရင်းမြစ်များ

Imilimo ya batumwa 17:28

Pakuba umo asosele ati, ‘Muli Ye emo twikala, twendela nokuba nobumi.’ Nakambi chaba ukubati nimfilya abamulangwe benu bambi basosa ukuti, ‘Nafwebo kumo tuli bana bakwe.’

Imilimo ya batumwa 2:11

Kwalipo Abayuda nabenafyalo abaalukile nokukonka ifya Chiyuda. Fwebo bambi tufuma ku Kileti naku Alabiya. Nangu chibe mfi, bonse tukobomfwa bakososa mundimi shesu. Bakososa ifintu ifikulu ifyo Lesa achitile!”

Imilimo ya batumwa 27:12

Ncho chabu tachalingilepo ukwikala munshita yamwela. Emulandu abenji balikufwayila ukupitilila mubulwendo nokuyafika kuchabu cha Fonikisi. Fonikisi chabu chaba mupepi nechishi cha Kileti ichalolesha kukapindami-kepi-kumbonshi nakukapindami-katali-kumbonshi.

Imilimo ya batumwa 27:13

Umwela uwafumine kukapindami-kepi watatikile ukupupa panini-panini. Echo abalalume mbalya balangulukile ukuchita icho bapangene ukuchita. Elo bakakwile ubwato ukuti butatike ukwenda. Elo balambatile bwaka mupepi nechishi cha Kileti.

Imilimo ya batumwa 27:7

Pamulandu wachipupu ichali kufuma uko twalikuya, twalikwenda bwaka panini-panini. Elo twayile fika mupepi nomushi wa Sinidusi. Pamulandu wachipupu chakulile, twapitile kulubali uko ichishi cha Kileti chalikutuchingilila. Twayile pita mupepi na Salimone.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Filipi 3:19

Kumupwilo bakonaulwa, pakuti lesa wabo fintu ifiwamya umubili. Bakoyitutumwina pafyo balingile ukuba nensoni. Amalangulushi abo aba pafintu ifyapanonshi epela.

1 Timoti 4:2

Imisambishishe nji ifuma kubantu abachenjela mukubepa ubufi ubo abo kampingu yabo yalyonayika kubati baochele kuchela ichikabile.

Taitasi 1:5

Nalikushile ku Kileti ukuti ulungike fyonse ifyali ifitalungemepo, ukusala abakulu bafilonganino mumishi yonse kubati nimulya nakulangile.

2 Petulo 2:12

Ukuba mba bantu bali kubati ninama ishitakwetepo amano, ishapangilwe ukuti shiikatwe nokwipayiwa. Balasalula ifintu tabeshibilepo. Nabo bakonaulwa kubati ninama.

2 Petulo 2:15

Balisha inshila iinenene, baluba pakukonka inshila yakwa Balaamu mwana Beoli, uwatemenwe ukunonka mukuchita ifibi.