Taitasi 1:10 - Chipangano Chabwangu

¹⁰ Nomba ekobali abenji, maka-maka pakati kabantu abapwilibwike ukufuma ku Chiyuda. Mba balikosele imitima, nakambi basosa ifyabuchenjeshi ifishikwetepo namano.

Taitasi 1:10 ပူးပေါင်းရင်းမြစ်များ

Mateyo 23:14

Ishamo kuli mwebo mwe basambishi ba Mafunde na Bafalisi, mwe bakutupayika! Mulalila bamukamfwilwa amasuku pamitwi pabuboni bwabo nokuchenjeleka abantu pakulomba kwenu ukutali! Echo Lesa akumupelelapo umulandu ukulu.]

Imilimo ya batumwa 11:2

Ulo Petulo abwelele ku Yelusalemu abena Klistu abatemenwe ukushilimunwa, bafwayile ukuti abenafyalo nabo balokushilimunwa, bayilishenye bati,

Imilimo ya batumwa 15:1

Abalalume bambi bafumine kuchalo cha Yudeya nokuya kumushi wa Antiyoki. Nku batatikile kusambisha abachetekele ati, “Mwe kati tamushilimwinwepo ukulingana na Mafunde akwa Mosesi tekuti mupulukepo.”

Imilimo ya batumwa 15:24

Twalyumfwile ukuti abalalume bambi abamuli fwe balishile uko ukumusakamika nokumufulunganya imitima kufyo balikusosa. Mwandi mba bantu tefwepo twabatumine iyowo.

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

1 Timoti 1:4

Ubebe ukuti baleke ukukonka utufuto twakale utuleta bwaka ukutalikana nokusunga amashina ayamikowa aatashilapo. Mfi tafitwalapo kubufwayo bwaku Lesa ubukochitika ukupitila muchichetekelo.

1 Timoti 1:6

Kanshi abantu bambi balipatukako kuli mfi fyonse. Baliiposele mukutalikana ifyabwaka.

1 Timoti 1:9

Tulingile ukwibukisha ukuti amafunde taapangilwa pabantu abaololoka, kuntu bampula-mafunde, notupondo, abatachetekelapo Lesa, imbifi, abatalombapo, abepaya bawishibo nabanyinabo, elo nabantu bambi.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

2 Timoti 4:4

Bakufutatila ukusambisha kwachine nokukonka ifishimi bwaka.

Taitasi 1:6

Umukulu wachilonganino talingilepo ukukwata akalema, icho ekale nomukashi wakwe umo bwaka. Abana bakwe balingile ukuchetekela Klistu, tabalingilepo ukuba nemibele iibipile nangula bachintomfwa.

Yemusi 1:26

Nga chakuti kuli umuntu uukoyilanguluka ukuti alalomba Lesa, elo tasungapo akanwa kakwe, ukulomba kwakwe kwabwaka nakambi akoyibepapo.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

1 Yohane 2:4

Umuntu umo nga asosa ukuti alimwishiba Lesa, elo tanakilapo amafunde akwe, wabufi nechine tamupo muli ye.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 2:6

Nomba ichikonsansamusha ninchi ichakuti walipata imibelo yabena Nikolayi iyo nandibo napata.