Mateyo 8:4 - Chipangano Chabwangu

⁴ Elo amwebele ati, “Umfwa, tekweshapo ukubusha umuntu nangu umo. Koya bwaka ukayilange kuli chipupila, utwale ichipupo icho Mosesi amwebele ukwebati chibe bumwanamboni kuli bonse ukuti ulipolele nachine.”

Mateyo 8:4 ပူးပေါင်းရင်းမြစ်များ

Mateyo 10:18

Bakumutwala kubapingushi nakumfumu pamulandu waku nebo. Elo mwakunchitila bukamboni kuli bo nakubenafyalo.

Mateyo 16:20

Elo Yesu abakonkobeshe abakusambila bakwe ati, tekwesha ukubushako umuntu nangu umo ukwebati nine Uwasubwa waku Lesa.

Mateyo 17:9

Ulo balikutentemuka ulupili, Yesu alibakonkobeshe ati, “Tekwesha ukubushako umuntu nangu umo ifyo mwabona, sembi ulo Umwana wa Muntu akubuka kubafwa.”

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Mateyo 5:17

“Mulokulanguluka ukuti nayisa mukonaula Amafunde akwa Mosesi nokusambisha kwabasoseshi, kuntu mukufikilisha ifyalembwa.

Mateyo 6:1

“Chenjeleni ukuti mwilokuchitapo imilimo iiweme kubantu pakuti mubonekele. Pantu nga mukochita mfi, tamwakapokelelepo ichilambu kuli Bawishinwe abakumulu.

Mateyo 9:30

Elo batatikile ukubona. Epo Yesu alibakonkobeshe ukwinekantu ati, “Tekweshapo ukubushako umuntu nangu umo.”

Maliko 13:9

“Echo mwebo muchenjele. Pakuba balikumutwala mufilye, nakambi balikumupamina ifikoti mukati kamananda akulombelamo Lesa. Balikumulubulwisha kuli bakateka nakuli bashamfumu pamulandu wanji, pakuti mwakuba bakamboni banji kuli bo.

Maliko 3:12

Yesu alibakonkobeshe ukwebati belokumufisululapo kubantu.

Maliko 5:43

Elo Yesu abakonkobesha ukwinekantu ati, “Mwileka nchi chintu chishibikwe kumuntu nangu umo. Nakambi abebele ati, ‘Peleniko umwana ichakulya.’”

Maliko 6:11

Konse uko bakana ukumupokelela nokumumfwa, pakufumamo, mukakunte ulukungu kumakasa enu, lwikale bumwanamboni pali bo!”

Maliko 7:36

Yesu alibakonkobeshe ukuti beesha ukushimikilako umuntu nangu umo na mashiwi. Nomba nangu abasoseshe mfi, abantu bayile ulo bashimika.

Maliko 8:30

Yesu alibakonkobeshe ati, “Tekwesha ukubushako umuntu nangu umo ukuti nine Uwasubwa waku Lesa.”

Maliko 9:9

Ulo balikutentemuka ulupili, Yesu alibakonkobeshe ati, “Tekwesha ukwebako umuntu nangu umo ifyo mwabona, sembi ulo Umwana wa Muntu akubuka kubafwa.”

Luka 17:14

Yesu alibabwene nokubasosha ati, “Kamuya kuli bachipupila, bakamuchenchente bwino.” Ulo balikuya munshila, balipolele!

Luka 21:13

Ndi lyakuba lishuko lyenu ilyakubilisha Ubutumi Bwawama.

Luka 4:41

Elo imipashi iibi nayo yalikufuma mubenji, yalikusosa nokusosa ati, “Webo niwe Mwana Lesa!” Yesu naye aliyikalipile nokuyikanya ukusosa. Pakuba yena yalishibile ukuti Yesu e Wasubwa waku Lesa.

Luka 5:14

Elo Yesu amukonkobeshe ati, “Wibushapo umuntu nangu umo. Nomba koya ukayilange kuli chipupila, ukatwale ichipupo ichakupola kobe kubati nimulya Mosesi aebele, chibe chilangililo kuli bonse.”

Luka 8:56

Abafyashi bamwana balishimbilwe ukwinekantu. Echo Yesu alibebele ati tekwesha ukwebako ichachitikile umuntu nangu umo.

Luka 9:21

Elo Yesu alibakonkobeshe nokubasosha ukuti, “Tekwesha ukubushako umuntu.”

Yohane 5:41

“Nebo nshikofwayapo ukutondayisha ukufuma kubantu.

Yohane 7:18

Umuntu uyisoselela bwaka ifyakwe, ekwebati ayifwayila bwaka umuchinshi umwine. Nomba uufwaya umuchinshi wawamutuma, ena ewachishinka, nakambi taba nobufipo mumutima wakwe.

Yohane 8:50

Nebo nshifwaya ukuyichinshika. Ekwali umo uufwaya ukunchinshika, nakambi eukamupingula.