Mateyo 8:3 - Chipangano Chabwangu

³ Elo Yesu atambulwile ukuboko kwakwe nokumukumya nokusosa ati, “Ina, nkofwaya, pola!” Bwangu-bwangu nefyona fyakwe fyalipolele.

Mateyo 8:3 ပူးပေါင်းရင်းမြစ်များ

Mateyo 12:13

Ulo Yesu ashilile ukusosa mfi, aebele umwalalume ati, “Tambulula ukuboko kobe.” Alitambulwile, elo nokuboko kwakwe kwalipolele, kwalingana nokunakwe.

Maliko 1:41

Yesu aliketwe inkumbu, aatambulula ukuboko kwakwe nokumukumya. Elo asosele ati, “Ina, nkofwaya, pola!”

Maliko 4:39

Yesu alishibukile, nokukalipila ichipupu, aeba nabemba ati, “Talala, ikala chelele!” Elo ichipupu chalilekele, kwatalele chelele.

Maliko 5:41

Epo alimwikete umwana pakuboko nokusosa kuli ye ati, “Tabita komu,” ekweba ati, “We mwanansungu, buka!”

Maliko 7:34

Epo Yesu aloleshe kumulu, alipemashikile nokuti kuli ye, “Efata,” ekweba ati, “Isuka.”

Maliko 9:25

Ulo Yesu abwene ibumba lyabantu, ilyabutukileko, akalipile umupashi uubi ati, “We mupashi uubi, we nkoma-matwi, we chibulu we, nkokweba ati, fuma muli ngu mulumbwana wikenjilamo nakambi!”

Luka 4:27

Elo eko bali abafyona abenji muchalo cha Isilaeli panshita yamusoseshi Elisha, kuntu takwalipo nangu umo uwaku bo uwaposhiwe, kuntu Namani enka uwamuchalo cha Siliya.”

Luka 5:13

Elo Yesu atambulwile ukuboko kwakwe nokumukumya nokusosa ati, “Ina, nkofwaya, pola!” Bwangu-bwangu nefyona fyakwe fyalipolele.

Luka 7:14

Epo Bashikulu balipalamine nokwikata kumbokoshi yamfwa. Elo abatembele balimakene. Yesu asosele ati, “We mulumbwana, nkososa kuli webo nati, buka!”

Yohane 11:43

Panuma yakusosa mfi, alibilikishe neshiwi ilikulu ati, “Lasalo, fuma!”

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.