Mateyo 7:7 - Chipangano Chabwangu

⁷ “Lombeni, elo mwakupelwa. Fwayeni, elo mwakusanga. Konkosheni, elo mwakwiswilwa.

Mateyo 7:7 ပူးပေါင်းရင်းမြစ်များ

Mateyo 18:19

“Nakambi nkomweba ati, nga abantu babili pali mwebo baumfwana panonshi ukulombapo ichintu chimo, Bata abakumulu bakubapela.

Mateyo 21:22

Nga mwachetekela, chonse icho mwakufumba mukulomba kwenu, mwakupelwa.”

Mateyo 6:33

Echo baleni mufwaye ubufumu bwakwe nokubanakila, elo fyonse mfi fyakupelwa kuli mwe.

Mateyo 7:11

Nomba nga mwebo mwebabi mfi, mwalishiba ukupela abana benu ifiweme, mba Bawishinwe abakumulu kuti bafilwa shani ukupela ifintu ifiweme kuli bo abakobalomba?

Mateyo 7:8

Pakuti onse uulomba alapelwa, uufwaya alasanga, nangulya uukonkonsha aleswilwa.

Maliko 11:24

Kanshi pali nchi nkomweba ati chonse icho mwakufumba mukulomba kwenu, sumineni ukuti mwapelwa. Nachine mwakupelwa.

Luka 13:25

Umwine wananda akwisa kwimakana nokwisalako kumulyango, ulo mwebo mwakwimakana kunse nokutatika ukukonkonsha kuchibi nokweba ati, ‘Twiswileniko we Mfumu!’ Ye akwisa kumwasuka ati, ‘Tanshishibilepo noko mwafuma!’

Luka 18:1

Yesu aebele nakambi abakusambila bakwe ichelusho ichakuti bakowamina ukulomba inshita shonse ukwambula ukunaka.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 15:7

Nga mukoyikalilila muli nebo, namashiwi anji ayikala muli mwebo, fumbeni chonse incho mukofwaya, elo chikoyisa kupelwa kuli mwe.

Yohane 4:10

Yesu alyasukile ati, “Nga wayishibilepo ifyo Lesa apela nokwishiba uyo uukokulomba amenshi aakunwa, nawebo nga wamulomba amenshi aabumi, naye nga akupela.”

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 3:11

takupo uwamulangwe, nangula ulomba Lesa.

Hebele 11:6

Tapapo uwingasekesha Lesa ukwambula ichichetekelo. Pakuti uuli onse ufwaya ukupalamina kuli Lesa, alingile ukusumina ukuti Lesa epo aba, nakambi nokuti alapela ifyabupe kuli bo abamufwaya-fwaya.

Yemusi 5:15

Nga balomba nechichetekelo, umulwele akupola. Bashikulu bakumwimya. Nga achitile ifibi, fyonse fyakunakililwa.

1 Yohane 3:22

Elo fyonse ifyo tulomba alatupela pantu tukonka amafunde akwe nokuchita ifimusekesha.