Mateyo 7:6 - Chipangano Chabwangu

⁶ “Mwipelako ichili ichapatulikwa kumbwa, epali shamwalukila nokumusuma. Nakambi mulokuposelapo inkumba impande shenu ishamutengo, epali shanyantaulapo.

Mateyo 7:6 ပူးပေါင်းရင်းမြစ်များ

Mateyo 15:26

Elo amwasukile ati, “Te chiwemepo ukubula ifilyo fyabana nokuposela imbwa.”

Mateyo 24:10

Munshita nji abantu abenji bakusula ubuchetekelo bwabo. Bakwisa kwebushanya nokupatana.

Mateyo 7:5

We wakutumpayika we! Bala uyishibule ichipande ichili mulinso lyobe, elo wakulolesha bwino nokufunya akapande akali mulinso lyakuwenu.

2 Kolinto 11:26

Panyendo shanji ishinji nalikumene nefyakutinya ifinji, munika nakutupondo, mu Bayuda bananji namufimbi ififuma kubenafyalo. Nalikumene nefyakutinya mumisumba, mumpanga, pali babemba nakuli bawesu ababufi.

Filipi 3:2

Chenjeleni nabo ababusali kubati nimbwa, abachita ifibi, abo abashilimuna umubili bwaka.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Hebele 6:6

Bafutatila Lesa, elo mukuchita mfi bakochita kubati bakosamika Umwana waku Lesa chipya-chipya nokumusaalula palwalala.

2 Petulo 2:22

Ulo bachita mfi, bafikilisha insoselo imo iyakuti, “Imbwa ibwelela kumalushi ayiko.” Nayimbi ilya iisosa ati, “Inkumba iisambile ilabwelela nakambi mukwalangana mumatipa.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.