Mateyo 7:5 - Chipangano Chabwangu

⁵ We wakutumpayika we! Bala uyishibule ichipande ichili mulinso lyobe, elo wakulolesha bwino nokufunya akapande akali mulinso lyakuwenu.

Mateyo 7:5 ပူးပေါင်းရင်းမြစ်များ

Mateyo 22:18

Nomba Yesu alishibile ubuchebjeshi bwabo. Elo abebele ati, “Nindo mukonjesesha? Mwe bakutumpayika mwe!

Mateyo 7:3

Mba nindo ukololesesha akapande akali mulinso lyakuwenu, elo we wasula ichipande ichili mulinso lyobe?

Mateyo 7:4

Elo kuti wasosa shani kuli wenu ati, ‘Leka mfunye akapande akali mulinso lyobe,’ ulo mulinso lyobe muli ichipande?

Mateyo 7:6

“Mwipelako ichili ichapatulikwa kumbwa, epali shamwalukila nokumusuma. Nakambi mulokuposelapo inkumba impande shenu ishamutengo, epali shanyantaulapo.

Luka 12:56

Mwe bakutumpayika mwe! Kuti mwalolesha pachalo nakumulu nokubona ifyo fikoaluka, findo ifyo mutangeshibilapo ifyanjino nshita?

Luka 13:15

Elo Bashikulu balimwasukile ati, “Mwe bakutumpayika! Kanshi mukati kenu tekuti mukakulepo ing’ombe yenu nangula punda wenu mwichinka nokuyitwala mukunwa amenshi pakasuba ke Sabata?

Luka 4:23

Yesu asosele kuli bo, “Ina nchi chebo mwakwisa kusosa kuli ne ukuti, ‘We ng’anga, iposhe wemwine!’ Nakambi mwakwisa kulabila ati, ‘Chita munomushi mumyenu ifyo twaumfwile wachitile ku Kapenaumu.’”

Luka 6:42

Elo kuti wasosa shani kuli wenu ati, ‘Leka mfumye akapande akali mulinso lyobe,’ ulo mulinso lyobe muli ichipande? We wakutumpayika we! Bala uyishibule ichipande ichili mulinso lyobe, elo wakulolesha bwino nokufumya akapande akali mulinso lyakwa wenu.

Imilimo ya batumwa 19:15

Nomba umupashi uubi wasosele kuli bo ati, “Yesu nalimwishiba, na Paulo naye nalimwishiba, nga webo niwe nani?”