Mateyo 5:7 - Chipangano Chabwangu

⁷ “Balishuka bo abakwatila abanabo inkumbu, pakuti nabo Lesa akabakwatila inkumbu.

Mateyo 5:7 ပူးပေါင်းရင်းမြစ်များ

Maliko 11:25

Elo lonse ulo mukolomba kati mulipo nomulandu umo uubi nomuntu umbi, munakilileni pakuti Bawishinwe bakumulu nabo bengamunakilila amabifyo enu. [

Luka 6:35

Ala! Mulokutemwa abalwani benu nokubachitila ubune, bakongwesheni nokusulako. Mwakwisakupokelela ichilambu chenu ichikulu. Mwakwisa kuba abana baku Lesa uwapulamo pakuti Ye ali uuweme kuli abo abatatotapo nakubabi.

Loma 11:30

Akale mwe abenafyalo tamwalikumfwilapo Lesa. Nomba Lesa amubela ichisa pantu Abaisilaeli tabamunakilepo Lesa.

1 Kolinto 7:25

Pamulandu waku bo abataupwa, tanshikwetepo ifunde ukufuma kuli Bashikulu, kuntu nkomweba amalangulushi anji ngoyo Bashikulu bakwatile ichisa ichakuti mbe uwachetekelwa.

2 Kolinto 4:1

Lesa, mubwanshi bwakwe, alitupela umulimo ngu. Echo tatunenuka imitima.

Efeso 4:32

Munakililane nokubelana inkumbu kubati nimfilya Lesa amunakilile namwe muli Klistu.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Timoti 1:13

Nangu chingaba ati nalikumusalula, kumuchusha, elo nokumutuka. Nomba Lesa alimbele inkumbu, pantu nshayishibilepo ifyo nalikuchita pakuti nshakwete ichichetekelo.

1 Timoti 1:16

Nomba Lesa alimbele inkumbu pakuti muli ne emo Klistu Yesu alangile ukuteka-umutima kwakwe konse. Alikufwaya ukuti ne mbifi mbe ichakubwenapo kuli bo bonse abakuchetekela pakuti bakabe nobumi ubutapwa.

Hebele 4:16

Kanshi katushipe nomba, tupalamine kumupando wabufumu bwaku Lesa uwabwanshi. Nku twakupokelela inkumbu nokusanga ubwanshi ubutwafwilishako panshita iilingile.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

Yemusi 2:13

Pakuti umuntu uupingula ukwambula inkumbu, Lesa naye akumupingula ukwambula inkumbu. Nomba Ye uukwatila inkumbu, tapapo umulandu wakuti engatinapo ukupingula kwaku Lesa.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

1 Petulo 2:10

Akale tamwalipo abantu baku Lesa, kuntu nomba muli bantu bakwe. Akale tamwapokelelepo ubwanshi, kuntu nomba mwalibupokelela.