Mateyo 5:5 - Chipangano Chabwangu

⁵ “Balishuka bo abayichefya, pakuti Lesa akubapela ichalo abalayile.

Mateyo 5:5 ပူးပေါင်းရင်းမြစ်များ

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Mateyo 21:5

“Ebani abamumushi wa Sioni ati, boneni, imfumu yenu ikoyisa kuli mwebo. Iyafuuka, ilininine pali punda, nachine pamwana wa punda.”

Loma 4:13

Ulo Lesa alayile Abulahamu nabana bakwe ukuti chalo chonse chakuba chabo, chalichitikilwe. Nomba tepamulandu wakweba ati Abulahamu asungile Amafunde. Nipamulandu wakuti achetekele Lesa, elo amulungamikile.

Galatiya 5:23

ubufuke nokuyilama. Tapapo ifunde ilyakukanya pali mfi fyonse.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

2 Timoti 2:25

Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.

Taitasi 3:2

Mulokubeba ukuti belokusosapo ifibi kumuntu uuli onse, kuntu ukuba abamutende nechumfwilo. Inshita shonse balokupela umuchinshi kubantu bonse.

Yemusi 1:21

Kanshi lekeni inshila shonse ishabusali nobubi ubwayisula muli mwebo. Pokeleleni mukuyichefya Amashiwi aku Lesa ayabyalilwe mumitima yenu ayo angamupulusha.

Yemusi 3:13

Ninani pali mwe uuli nomulangwe nokumfwikisha? Ayilange enka ukupitila mumikalile yakwe iiweme, namuli mfilya achita ifyamulangwe mukuyichefya.

1 Petulo 3:15

Nomba mumitima yenu muchinshike Klistu pakuti ni Shikulu wenu. Mube abayipekanya inshita yonse ukwasuka mubufuke namumuchinshi abantu abamufumba ukulindilila kwenu.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.