Mateyo 5:3 - Chipangano Chabwangu

³ “Balishuka bo abayishiba ukuti balichula mumupashi, pakuti ubufumu bwakumulu bwabo.

Mateyo 5:3 ပူးပေါင်းရင်းမြစ်များ

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Mateyo 11:6

Balishuka abantu abatakayikapo pali nebo!”

Mateyo 13:16

“Nomba mwebo mwalishuka pantu amenso enu alabona, namatwi enu alomfwa.

Mateyo 19:14

Elo Yesu asosele ati, “Lekeni abana banini bese kuli nebo, mwibakanyapo, pakuti Ubufumu bwakumulu bwaku bo abali nga mba.”

Mateyo 24:46

Alishuka uyo mupyungi uwo Bashikulu wakwe bakusanga akobombela umo mwenka.

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 3:2

“Lapileni pantu ubufumu bwakumulu bwapalamina!”

Mateyo 8:11

Abenji bakwisa ukufuma kumutule-suba nakumbonshi nokwikala pamo na Abulahamu, Isake elo na Yakobe pamutebeto mubufumu bwakumulu.

Maliko 10:14

Ulo Yesu abwene mfi, alikalipile nokuti kubakusambila bakwe, “Lekeni abana banini bese kuli nebo, mwibakanyapo, pakuti Ubufumu bwakumulu bwaku bo abali nga mba.

Luka 11:28

Nomba Yesu alimwasukile ati, “Ina, ukuchilapo abashuka nimbalya abakoumfwa amashiwi aku Lesa nokuasunga!”

Luka 18:14

Yesu asosele ati, ‘Nachine nkomweba ati, ngu uwamusonko abwelele kunanda yakwe uwanakililwa ukuchila umunakwe! Pakuti onse uukoyikusha akuchefekwa, kuntu uyo uwichefya akusumbukwa.’”

Luka 22:29

Echo mwenka umo Bata bampelela ifiso fyakuteka, epo nafipela nakuli mwe.

Luka 22:30

Mwakwisa kunwa nokulya petebulu lyanji mu Bufumu bwanji. Elo mwakwisa kwikala pafipuna ifyabufumu nokupingula pamikowa ikumi na ibili ya Baisilaeli.

Luka 4:18

“Umupashi waku Lesa uli pali nebo, pakuti alinsuba ukuti nkabilishe, Ubutumi Bwawama kubachula. Alintumine ukubile imbila iyakuti bakakulwe abakakwa, nakambi nempofu ukuti shibone, nokulubula bo abasulwa.

Yohane 20:29

Yesu asosele ati, “Pakuba wambona epo wachetekela. Balishuka abakochetekela nangu tabambwenepo.”

Yemusi 1:10

Naye umusambashi ayilumbe ulo Lesa amuchefya pakuba, akuloba ukubati liluba ilyamumpanga.

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

Ukufisulula 19:9

Penkapo umungelo alisosele kuli nebo ati, “Lemba amashiwi nga: Balishuka bantu abetwa kukusefya kuchupo cha Mwana wambelele.” Nakambi umungelo ati, “Nga mashiwi yaku Lesa ayachine.”

Ukufisulula 22:14

Abashuka nimbalya abasamfya imikanjo yabo ukuti basuminishiwe ukulyako ifitwalo fyaku chiti ichipela ubumi nokwinjila mumilyango yamusumba.

Ukufisulula 3:17

Webo ulasosa ukuti uli nobuboni ubwinji, taukabilapo nakantu iyowo, kuntu tawayishiba ukuti uli umuchushi, uwabwamba nakambi uli mpofu.