Mateyo 3:7 - Chipangano Chabwangu

⁷ Ulo Yohane abwene Abafalisi na Basaduki abenji bakoyisa mukubatishiwa, alisosele kuli bo ati, “Mwe bana bansoka mwe! Ninani wamuchenjeshe ukubutuka kubukali bwaku Lesa ubukoyisa?

Mateyo 3:7 ပူးပေါင်းရင်းမြစ်များ

Mateyo 12:24

Ulo Abafalisi baumfwile mfi, basosele ati, “Ni Belesebule, mukulu wamipashi iibi ewumupela ifiso ifyakutamfishako imipashi iibi.”

Mateyo 12:34

Mwe bana bansoka mwe! Nga mungasosa shani ifiweme mwe babi mfi? Pakuba akanwa kamuntu kalabila pafyayiula mumutima wakwe.

Mateyo 15:12

Elo abakusambila bakwe balishile kuli Ye nokuti, “Napo ulishibile ukwebati Abafalisi balikalipile ulo basa kumfwa ifyo usosele?”

Mateyo 16:1

Abafalisi na Basaduki bambi bayile kuli Yesu mukumwesha. Balimufumbile ukuti achitepo ichafiso ifikulu chimo ichakulanga ukuti atumwa na Lesa.

Mateyo 16:6

Elo Yesu asosele kuli bo ati, “Chenjeleni nemimena ya Bafalisi na Basaduki.”

Mateyo 22:15

Elo Abafalisi bayile mukupangana ukuti basange umwakumwikatila Yesu mumisosele yakwe.

Mateyo 22:23

Mukasuba kenka nkalya, kwayishile Abasaduki bambi kuli Yesu. Abasaduki mba balikusambisha abantu ukwebati takupo ukubuka kubafwa. Elo bafumbile Yesu ati,

Mateyo 22:34

Inshita ulo Abafalisi baumfwile ukuti Yesu aasukile Abasaduki bwino-bwino, nabo balongene pamo.

Mateyo 23:33

Mwe nsoka, mwe bana bafipili, kanshi mukaya kupuluka shani kubupingushi bwakuposwa mumulilo utashimapo!

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

Maliko 12:13

Batumine kuli Yesu Abafalisi bambi nebumba lyakwa Helodi bamo ukuti bakasange umwakumwikatila mumisosele yakwe.

Maliko 12:18

Nomba Abasaduki bambi bayile kuli Yesu. Mba balikusambisha abantu ukwebati takupo ukubuka kubafwa. Balikufumba Yesu ati,

Maliko 8:15

Elo Yesu alibachenjeshe ati, “Umfweni, chenjeleni nemimena ya Bafalisi neyakwa Helodi.”

Luka 16:14

Ulo Abafalisi baumfwile fyonse mfi, basekulukile Yesu pakuti bena batemenwe indalama.

Luka 18:11

Elo umu Falisi alimakene nokulomba apaenka ati, ‘Nkomutotela mwe Lesa pakuti nshapalanapo nabantu bambi, abachenjeleka, abatalungama, abachende, nabonse bwaka, nangula kubati ningu uwamusonko.

Luka 7:30

Nomba Abafalisi nabasambishi ba Mafunde balikene ukuchita ukufwaya kwaku Lesa, pakuba balikene ukubatishiwa na Yohane.

Yohane 1:24

Abo bantu balikumufumba batuminwe na Bafalisi.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Yohane 9:40

Bambi Abafalisi abali pamo nakwe balyumfwile ifyo Yesu asosele. Elo bamufumbile ati, “Napo nafwe tuli mpofu?”

Imilimo ya batumwa 15:5

Nomba abachetekela bambi abamwibumba lya Bafalisi balimakene nokusosa ati, “Mba abenafyalo abachetekelapo balinjile ukuti bashilimunwe nokubakonkobesha ukuti balokulama amafunde awo Lesa apele kale kuli Mosesi.”

Imilimo ya batumwa 20:31

Echo mube abayibukila nokwishiba ukuti pamyaka itatu nalikusambisha umo-umo akasuba nobushiku neminsoshi iyinji.

Imilimo ya batumwa 26:5

Kati bachishinka, kuti basumina ukuti ukufuma nakale nalikwenda mwibumba lya Bafalisi, abalama amafunde esu ukuchila bonse.

Imilimo ya batumwa 5:17

Nomba chipupila mukulu nabanakwe bonse abamwibumba lya Basaduki baliwile nomufimbila.

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

Loma 5:9

Mfi twishibile ati tuli abalungama ukupitila mumfwa yakwe, nachine Klistu akwisa tupulusha kubukali bwaku Lesa.

1 Tesalonika 1:10

Elo mukopembela ukubwela kwa Mwana wakwe ukufuma kumulu, uwo abushishe kubafwa. Ngu ni Yesu uutupulusha kubukali bwaku Lesa ubukoyisa.

Hebele 11:7

Muchichetekelo Nowa alipokelele ubuchenjesho bwaku Lesa ubusosa pafintu ifyali kwisa ifyo atalikubonapo. Alipangile chibwato ukuti ye nabamulupwa lwakwe bapulukilemo. Pakuchita nchi Nowa alishinine abantu bapanonshi nokupokelela amashuko awo Lesa apela abantu bonse abamusekesha.

Hebele 6:18

Elo pali ifintu fibili ifitangapilibukapo: ichilapo nakambi ifyo Lesa tekuti abepepo iyowo. Echo Lesa afwayile ukuti akoseleshe fwebo, fwe babutukile kuli Ye ukuti tushipikishe ukulolela uko atupele.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.