3 Ulo Yuda uyo uwamwembwile, abwene ukuti Yesu apelwa umulandu wakumwipaya alilangulukile, nokubwesha indalama shabuseke amakumi atatu, kuntungulushi shabachipupila nabakulu ba Bayuda nokuti,
Yesu nabakusambila bakwe bali pakulya umulalilo, Satana ye kale ayinjile mumutima wakwa Yuda Isikaliyoti, mwana waku Simoni, ukuti embule Yesu kubalwani bakwe.
Bwangu-bwangu ulo Yuda abulile umufuba, Satana kayinjila muli ye. Yesu asosele kuli ye ati, “Endesha ukuchita ifyo uli nokuchita!”
Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako.
Yuda ashitile ibala nendalama isho asangile ukufuma kububi ubo achitile. Nkulya eko awile panshi ubwifuneme nokupanduka, namala akwe kaafuma panse.
Insoni ishisekesha Lesa shipilibula umutima wamuntu ukwebati apuluke. Elo chilashila penka mpalya. Nomba ukuba nensoni kubati bantu abatemwa ifyapanonshi, kuleta imfwa.