Mateyo 26:3 - Chipangano Chabwangu

³ Elo intungulushi shabachipupila nabakulu ba Bayuda balongene kunanda yakwa Kayafasi, chipupila mukulu.

Mateyo 26:3 ပူးပေါင်းရင်းမြစ်များ

Mateyo 26:69

Nomba Petulo ayikele mulubansa. Elo kwayishile umwanansungu umo umupyungi wakwa chipupila mukulu nokumweba ati, “Nawe kumo wali pamo na Yesu waku Galili.”

Mateyo 27:27

Penkapo abashilikali bakwa kateka batwite Yesu kunanda yakwa kateka. Balongenye bonse abashilikali banabo nokushinguluka Yesu.

Maliko 14:54

Petulo alikukonka Yesu akatalamukila, nokufika nakwisano lyakwa chipupila mukulu. Alinjile nokwikala apayikele abashilikali, akoonta nomulilo.

Maliko 14:66

Pali nji nshita Petulo ayikele panshi muchipango. Nomba kwayishilepo umwanansungu umo umupyungi waku chipupila mukulu.

Maliko 15:16

Abashilikali batwite Yesu mukati kalubansa lwakwisano ulwitwa Pulitoliyamu. Elo balongenye bonse abashilikali banabo.

Luka 22:55

Nomba balikoseshe umulilo mwisano na Petulo alipamo nambalya abalikonta umulilo.

Luka 3:2

Nomba Anasi na Kayafasi bali bachipupila bakulu pali njilya nshita. Ishiwi lyaku Lesa lyalishile kuli Yohane, mwana Sekeliya, muchiswebebe.

Yohane 11:57

Intungulushi shabachipupila na Bafalisi bapele abantu amafunde aakuti nga kwakuba umuntu uwakwishiba uko Yesu ali, alingile ayisa mukusosela ukwebati bamwikate.

Yohane 18:24

Elo Anasi atumine Yesu uwakakilwe kuli Kayafasi, chipupila mukulu.

Yohane 18:28

Ulo bwachele batwite Yesu ukufuma kunanda kuli Kayafasi nokumutwala kuli Pilato, kateka wabena Loma. Elo abakulu nabo balikutina ukwinjilamo munanda yabupingushi pantu balikutina ukuyikowesha icho balimupepi nokulya Chakulya Chakuchilila.