Mateyo 2:4 - Chipangano Chabwangu

⁴ Elo yalongenye pamo intungulushi shabachipupila bonse nabalembi nabasambishi ba Mafunde akwa Mosesi nokubafumba ati, “Mba ngu Uwasubwa waku Lesa baeba ati akufyalilwa kwisa?”

Mateyo 2:4 ပူးပေါင်းရင်းမြစ်များ

Mateyo 13:52

Naye elo abasoseshe ati, “Umusambishi uuli onse uwamafunde alisambilila amashiwi aabufumu bwakumulu, aba kubati umwine wananda uufumya muchipawo chakwe ifyabwangu nefyakale.”

Mateyo 2:3

Ulo imfumu Helodi yaumfwile mfi, yalyebekelwe ukwinekantu pamo nabamu Yelusalemu bonse.

Mateyo 2:5

Nabo balimwasukile ati, “Niku Betelehemu, umushi wamuchalo cha Yudeya. Efyo nomusoseshi alembele ati,

Mateyo 21:15

Intungulushi shabachipupila nabasambishi ba Mafunde babwene ifintu fyakushimbwisha ifyo Yesu achitile. Elo baumfwile abana bakobilikisha munanda yakulombelamo Lesa ati, “Achinshikwe Mwana Davide!” Mfi fyakalifishe imitima yabo.

Mateyo 21:23

Ulo Yesu ayinjile munanda yaku Lesa, intungulushi shabachipupila nabakulu Babayuda bayile kuli Yesu ulo alikusambisha, nokumufumba ati, “Ninsambu ndo uchitilamo mfi fintu? Mba uwakupela nshi nsambu ninani?”

Mateyo 26:3

Elo intungulushi shabachipupila nabakulu ba Bayuda balongene kunanda yakwa Kayafasi, chipupila mukulu.

Mateyo 26:47

Lwenka ndulya ulo Yesu alikusosa, Yuda umo uwabakusambila bakwe ikumi na babili alifikile. Ali nebumba ilikulu ilyabantu abali nemyele nenkoli. Batuminwe nentungulushi shabachipupila nabachilolo.

Mateyo 27:1

Ulo bwachele, intungulushi shabachipupila nabachilolo balipangene ukuti bepaye Yesu.

Mateyo 7:29

Talipo kubati basambishi ba Mafunde yakwa Mosesi, kuntu Ye alikusambisha umo abelele nensambu.

Maliko 8:31

Epo Yesu abalile ukusambisha abakusambila bakwe ati, “Umwana wa Muntu akumfwa amachushi, nokusulwa kubakulu Babayuda, kuntungulushi shabachipupila, nabasambishi ba Mafunde. Bakumwipaya, kuntu mukasuba kalenga shitatu akwisa kubuka kubafwa.”

Luka 20:19

Abasambishi ba Mafunde akwa Mosesi nentungulushi shabachipupila bafwayile ukumwikata Yesu penka mpalya pakuti balishibile ati nchi chelusho ebo alikweba, kuntu balitinine abantu.

Luka 23:10

Elo intungulushi shabachipupila nabasambishi ba Mafunde bayishile kuntanshi nokusosesha nefiso mukwebaula Yesu mufintu ifinji.

Yohane 18:3

Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako.

Yohane 3:10

Yesu alimwasukile ati, “Webo uli musambishi mukulu muba Isilaeli, epo nchi kanshi tauchishibilepo?

Yohane 7:32

Ulo Abafalisi baumfwile ifyo abantu balikutepeleshanya namfi ifyaku Yesu, intungulushi shabachipupila na Bafalisi batumine bamalonda ukuti baye bamwikate Yesu.

Yohane 8:3

Elo abasambishi ba Mafunde na Bafalisi baletele umwanakashi umo uwayiketwe mubuchende. Bamwimanikile kuntanshi yabantu bonse.

Imilimo ya batumwa 23:9

Elo ukutalikana kwalipitilile. Penkapo abasambishi ba Mafunde akwa Mosesi, abali mwibumba lya Bafalisi, batatikile ukutalika nefiso. Basosele ati, “Fwebo tatubwenepo ububi nangu bumo muli ngu muntu! Nalimo mupashi nangula umungelo umbi alilabile kuli ye!”

Imilimo ya batumwa 4:5

Muluchelo abakulu ba Bayuda, bachilolo nabasambishi ba Mafunde akwa Mosesi balongene mu Yelusalemu.

Imilimo ya batumwa 6:12

Muli nji nshila baletele ichimfulunganya kubantu nakubakulu bamuchalo nabasambishi ba Mafunde. Elo bayikete Sitefano nokumutwala kuchilye.