Mateyo 11:2 - Chipangano Chabwangu

² Nomba ulo Yohane ali muchifungo, alyumfwile imilimo yaku Klistu. Elo atumine bambi abakusambila bakwe kuli Yesu.

Mateyo 11:2 ပူးပေါင်းရင်းမြစ်များ

Mateyo 1:17

Kanshi inkulo umo shakonkanina niumu, ukufumu kuli Abulahamu nokufika kuli Davide ninkulo ikumi limo nashine. Elo ukufumu kuli Davide ukufika nokupintwa mubusha ku Babiloni ninkulo ikumi limo nashine. Ukufuma kubusha bwaku Babiloni ukufika nakukufyalwa kwaku Klistu Uwasubwa ngulya, napo ninkulo ikumi limo nashine.

Mateyo 14:3

Pakuti Helodi ayikete Yohane nokumukaka, amubika namuchifungo pamulandu wakwa Helidiyasi muka Filipo, wabo wakwa Helodi.

Mateyo 4:12

Ulo Yesu aumfwile ukuti Yohane bamukaka muchifungo, abwelelemo ku Galili.

Mateyo 9:14

Ulo abakusambila bakwa Yohane bayile kuli Yesu, balimufumbile ati, “Mba nindo fwebo na Bafalisi tuyikanya ukulya libili-libili, nomba abakusambila benu tabayikanyapo ukulya?”

Maliko 6:17

Pantu Helodi umwine atumine abantu ukuya kwikata Yohane Mubatishi nokumuposa muchifungo pamulandu wakwa Helodiya muka Filipo, wabo wakwa Helodi. Pantu abulile mukawabo, Helodiya, ewo aupile.

Luka 3:19

Nomba Yohane akalipile imfumu Helodi pamulandu wakupa Helodiya umukashi wakuwabo, nefibi fyonse ifyo Helodi achitile.

Luka 9:7

Ulo imfumu Helodi, kateka wakuchalo cha Galili, aumfwile fyonse ifyalikuchitika, amano akwe alifulungene, pantu abantu bambi balikusosa ati, Yohane Mubatishi abuka kubafwa.

Yohane 4:1

Nomba Abafalisi balyumfwile ukuti Yesu alikoobola nokubatisha abakusambila abenji ukuchila Yohane.