Maliko 7:4 - Chipangano Chabwangu

⁴ Ulo bafuma pachisanke bo tabalyapo nga tabalasamfya ifyo bashita pachisanke. Eko fili ifintu fimbi ifyo basunga, ifyo babashilile, ifilinga imisamfishe yankombo, inongo nefipe fyamukuba namalo.)

Maliko 7:4 ပူးပေါင်းရင်းမြစ်များ

Mateyo 23:25

“Ishamo kuli mwebo mwe basambishi ba Mafunde na Bafalisi, mwe bakutumpayika! Musamfya inkombo nembale kunse, kuntu mukati mwayiulamo ifyo mwapokolola kubunkalwe nakuli bukayitemwe.

Mateyo 23:26

Mwe mpofu Shabafalisi! Baleni ukusamfya mukati kankombo nembale, elo kunse nako kwakuwama.

Mateyo 27:24

Ulo Pilato abwene ukwebati mwali ukutalikishanya mubantu, abulile amenshi nokusamba kuminwe yakwe pamenso yabantu. Elo asosele ati, “Tanshikwetepo umulandu pamfwa yamuntu ngu. Chiteni icho mukofwaya mwebene.”

Maliko 7:8

“Mwebo mwalisula amafunde aku Lesa, nokumfwila ukusambisha kwabantu.”

Yohane 2:6

Abayuda baliba nakafuto kakusamba ukuti babe abasangululwa. Echo kwali imitondo iikulu yamabwe isano na umo iyamenshi, ubukulu bwayiko muli umo nangula kuti mwayinjila amatepe asano, nangula ukuchilapo.

Yohane 3:25

Bamo abakusambila baku Yohane batatikile ukutalikishanya no Muyuda umo pafyamulandu wakafuto kakusangululwa.

Hebele 9:10

Isosa bwaka pafyakulya, ifyakunwa nakumibele, utwakuyiwamisha utupusene-pusene. Fyonse mfi mafunde bwaka ayakoyikatilila ukufikila ulo Lesa akupanga ifintu fyonse ukuba ifyabwangu.

Yemusi 4:8

Palamineni kuli Lesa, elo naye akupalamina kuli mwebo. Lekeni ububi mwe mbifi. Wamyeni imitima yenu, mwe bamitima iibi.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.