Maliko 7:34 - Chipangano Chabwangu

³⁴ Epo Yesu aloleshe kumulu, alipemashikile nokuti kuli ye, “Efata,” ekweba ati, “Isuka.”

Maliko 7:34 ပူးပေါင်းရင်းမြစ်များ

Maliko 1:41

Yesu aliketwe inkumbu, aatambulula ukuboko kwakwe nokumukumya. Elo asosele ati, “Ina, nkofwaya, pola!”

Maliko 15:34

Pa 3 koloko penka Yesu alyawile neshiwi ilikulu ati, “Eloi, Eloi, lama sabakatani?” Ekweba ati, “Lesa wanji, Lesa wanji, nindo mwandekelesha?”

Maliko 5:41

Epo alimwikete umwana pakuboko nokusosa kuli ye ati, “Tabita komu,” ekweba ati, “We mwanansungu, buka!”

Maliko 6:41

Elo Yesu abulile imifuba isano nenswi shibili, aloleshe kumulu nokutotela kuli Lesa. Ulo ashilile ukutotela alisunawile imifuba nji nokupela abakusambila bakwe ukuti balumbe abantu. Nenswi shibili balilumbile.

Maliko 7:35

Penkapo namatwi akwe alisukile, nolumini lwakwe lwalikakukile. Elo atatikile ukusosa bwino.

Maliko 8:12

Epo Yesu alipemashikile nokuti, “Mulandu ndo abantu baku njino nkulo bakofwayila ichishibilo? Iyowo, nebo nkomweba ati, tachayise kupelwa kuli njino nkulo ichishibilo ichafiso ifikulu nangu chimo.”

Luka 18:42

Yesu asosele ati, “Bona! Ichichetekelo chobe chakuposha.”

Luka 19:41

Ulo Yesu apalamine apepi nomusumba wa Yelusalemu nokuubona, alililile

Luka 7:14

Epo Bashikulu balipalamine nokwikata kumbokoshi yamfwa. Elo abatembele balimakene. Yesu asosele ati, “We mulumbwana, nkososa kuli webo nati, buka!”

Yohane 11:33

Yesu ulo amubwene akolila, nakambi nokubona abantu mbalya abali pamo nakwe bakolila imisowa, umutima wakwe wayiketwe ichikonko.

Yohane 11:35

Yesu alililile.

Yohane 11:38

Yesu ayiketwe nakambi ichinkonko ichikulu. Ayile kunshinshi, lwali luchengo napamwinshi bashinkilepo ibwe.

Yohane 11:41

Elo abantu bafumishepo ibwe. Nomba Yesu aloleshe kumulu nokusosa ati, “Nkomutota Bata pakuti mulang’umfwa.

Yohane 11:43

Panuma yakusosa mfi, alibilikishe neshiwi ilikulu ati, “Lasalo, fuma!”

Yohane 17:1

Ulo Yesu ashilile ukusosa amashiwi ngalya, aloleshe kumulu nokusosa ati, “Bata, inshita yafika. Chinshikeni Umwana wenu, ukuti naye amuchinshike.

Imilimo ya batumwa 9:34

Petulo asosele ati, “Eneyasi, Yesu Klistu akuposha. Ima wansule impasa yobe.” Bwangu-bwangu Eneyasi alimakana.

Imilimo ya batumwa 9:40

Nomba Petulo abapapatile ukuti bafumine panse. Penkapo alifukeme nokulomba. Elo apilibukile kuchitumbi nokuti, “Tabita buka!” Naye alishibatwile amenso. Ulo abwene Petulo, alikele nokwikala.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.