Maliko 7:2 - Chipangano Chabwangu

² Ulo babwene ukuti abakusambila baku Yesu bambi balikulya ukwambula ukusamba kuminwe, ukulingana nakafuto kaba Yuda ukuti bawamikwe. (

Maliko 7:2 ပူးပေါင်းရင်းမြစ်များ

Mateyo 15:2

“Mulandu ndo abakusambila benu batakonkelapo utufuto twafikolwe fyesu? Pakuba tabasambapo kuminwe ulo tabalatatika ukulya?”

Maliko 7:5

Epo Abafalisi nabasambishi ba Mafunde balifumbile Yesu ati, “Mulandu ndo abakusambila benu batakonkelapo utufuto twafikolwe fyesu, kuntu bakolya neminwe iyafiko?”

Luka 11:38

Umufalisi umo alishimbilwe pakubona Yesu tasambilepo kuminwe pakulya.

Imilimo ya batumwa 10:28

Elo asosele kuli bo ati, “Mwebo mwalishiba bwino ukuti Abayuda balibindwa ukutandalila nangula ukwikatana pamo nabenafyalo. Nomba nebo Lesa alinanga ukuti tanshilingile ukweba umuntu umo ukuti mubi nangula uutawamikwa.

Imilimo ya batumwa 11:8

Nomba nebo nalyasukile ati, ‘Tefyopo Bashikulu! Pakuti tanshalyapo nangu kale akantu akatawamikwa nakabipile.’

Loma 14:14

Ndishibile bwino muli Bashikulu Yesu ukwebati Lesa alasuminisha ukulya ifyakulya fyonse. Nomba nga umuntu achilanguluka ukuba ichibi, echo kuli ye chilabipa.

Hebele 10:29

Mba chakuba shani kumuntu uupontela Umwana waku Lesa, uusula umulopa wa chipangano chaku Lesa ichimuwamisha kumabifyo akwe, uutuka Umupashi Wabuta uutupele ubwanshi? Ukukandwa kwamuntu ngu kwakubipisha ukwinekantu.

Ukufisulula 21:27

Nomba mumusumba ngu tamwakenjilemo akantu nangu kanini akabipa nangula abantu bachita ifyansoni, nangula ababufi. Abantu abakwinjilamo nimbalya abakwete amashina ayalembwa mwibuku ilyabumi ilya Mwana wambelele.