Maliko 4:8 - Chipangano Chabwangu

⁸ Nomba shimbi shawile mumushili uuweme, nokutwala shalitwite ifilyo, ukukula nokufula. Shimbi shatwite amakumi atatu, shimbi amakumi mutanda, elo nashimbi umwanda umo.”

Maliko 4:8 ပူးပေါင်းရင်းမြစ်များ

Mateyo 13:23

Nomba bambi eko bali ababa nge mbuto ishawile mumushili uuweme. Mba ebomfwa amashiwi aku Lesa nokuapokelela mumitima yabo, elo batwala ifitwalo, bambi umwanda umo, bambi amakumi asano nalimo, bambi nabo amakumi atatu.”

Mateyo 13:8

Nomba shimbi shawile mumushili uuweme, nokutwala shalitwite ifilyo. Shimbi shatwite umwanda umo, shimbi amakumi asano nalimo, elo shimbi nasho amakumi atatu.”

Maliko 4:20

Nomba bambi eko bali ababa nge mbuto ishawile mumushili uuweme. Mba ebomfwa amashiwi aku Lesa nokwapokelela mumitima yabo. Elo batwala ifitwalo, bambi amakumi atatu, bambi amakumi asano na limo, bambi nabo umwanda umo.”

Maliko 4:7

Shimbi nasho shawile muminga, elo iminga yalikulile nokushitabilisha. Shalikulile, kuntu tashatwitepo ifilyo.

Maliko 4:9

Epo Yesu asosele ati, “Uukwete amatwi aakumfwa, omfwe!”

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Luka 8:8

Nomba shimbi mbuto shawile pamushili uuweme, shalimenene nokutwala nefitwalo umwanda umo.” Pakulekelesha Yesu asosele ati, “Umfweni, ukwete amatwi akumfwa, omfwe!”

Yohane 15:5

“Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Yohane 7:17

Umuntu onse uukofwayisha ukuchita ifyo Lesa afwaya, ewakwisa kwishiba ifyo nkosambisha nga fyafuma kuli Lesa nangula nkoyisosela nemwine.

Imilimo ya batumwa 17:11

Abantu baku Beleya bali nemitima yakumfwisha ukuchila abakumusumba wa Tesalonika. Mba bena balikufwayisha ukumfwisha amashiwi nemitima yabo yonse. Elo balikupitulukamo Mumalembo aku Lesa ukuti bashininkishe ifyalikusosa Paulo kati fyachine.

Efeso 2:21

Muli Ye inanda yonse yalimakwa, elo ikokulilako kuti ibe inanda yabuta iyaku Bashikulu.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.