Maliko 2:5 - Chipangano Chabwangu

⁵ Ulo Yesu abwene ukuchetekela kwabo, asosele uwauminina umubili ati, “We mwana wanji, amabifyo obe anakililwa.”

Maliko 2:5 ပူးပေါင်းရင်းမြစ်များ

Mateyo 9:2

Nkulya abantu bambi bamutwalile ichilema ichatembelwe pamachila. Ulo Yesu abwene ichichetekelo chabo, asosele kuchilema ati, “Shipa we mwana wanji! Amabifyo obe anakililwa.”

Mateyo 9:22

Penkapo Yesu alichebukile nokumubona. Elo asosele kuli ye ati, “We mwana wanji, shipa, ichichetekelo chobe chakuposha.” Elo umwanakashi alipolele penkapo.

Mateyo 9:5

Nichisa ichayanguka ukusosa ati, ‘Amabifyo obe anakililwa,’ nangula ukwebati, ‘Ima wende?’

Maliko 2:6

Nomba abasambishi ba Mafunde akwa Mosesi bambi apo bayikele balikulanguluka mumitima yabo ati,

Maliko 5:34

Elo Yesu asosele kuli ye ati, “We mwana wanji ichichetekelo chobe chakuposha. Endelapo umutende, wikale we wapola kubulwele bobe.”

Luka 5:20

Ulo Yesu abwene ukuchetekela kwabo, asosele ati, “We munanji, amabifyo obe anakililwa.”

Luka 8:48

Elo Yesu asosele kuli ye ati, “We mwana wanji, ichichetekelo chobe chakuposha. Endelapo umutende.”

Yohane 2:25

Elo tachafwayilwe umuntu uuli onse ukumubushako ifyakwikala kwabantu, pantu umwine alishibile ifyali mumitima yabo.

Yohane 5:14

Panuma, Yesu amusangile munanda yaku Lesa. Elo asosele kuli ye ati, “Umfwa nomba ulipolele, wibifyapo nakambi ukwebati ichintu ichikulu ichabipisha chikakuchitikila webo.”

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 14:9

Ngu muntu alikukutika kufintu Paulo alikusosa. Elo Paulo amubwene ukuti alikwete ichichetekelo chakupola. Elo amutontele amenso

Imilimo ya batumwa 5:31

Nomba Lesa alimuchinshika nokumubika kukuboko kwakwe ukwamulyo. Amuchitile ukuba Intungulushi no Mupulushi ukuti abena Isilaeli balapile nokunakililwa kumabifyo abo.

1 Kolinto 11:30

Echo abenji muli mwe bakolwalilila nokunaka, elo bambi nabo balifwile kale.

2 Kolinto 2:10

Nga mwanakilila umuntu, namunakilila. Nga nanakila, ekwebati nanakilila pamulandu wenu pamenso aku Klistu.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

Kolose 3:13

Mulokushipikisha kumisango yabanenu. Mulokunakilana nga mfilya Bashikulu bamunakilile.

Yemusi 5:15

Nga balomba nechichetekelo, umulwele akupola. Bashikulu bakumwimya. Nga achitile ifibi, fyonse fyakunakililwa.