Maliko 2:1 - Chipangano Chabwangu

¹ Ulo papitile inshiku shinini, Yesu abwelele nakambi kumushi wa Kapenaumu, chaumfwikile ukuti alibwelele ali munanda.

Maliko 2:1 ပူးပေါင်းရင်းမြစ်များ

Mateyo 4:13

Tayikelepo mu Nasaleti, kuntu ayile kwikala mu Kapenaumu, umushi wamululamba lwaku Bemba wa Galili, mumipaka ya Sebuloni na Nafutali.

Mateyo 9:1

Ulo Yesu ayinjile mubwato aabukile kwishilya lyaku bemba nokufika kumushi kwabo.

Maliko 1:45

Nomba ngu muntu ulo afuminepo bwaka, ayile nokutatika ukubilisha ilyashi konse-konse. Nachine alibilishe ukwinekantu, ichalengele na Yesu ukutenjila mumishi apabuta. Ayikele kunse mumpanga. Nangu chali mfi, abantu balikuya kuli Ye ukufuma konse-konse.

Maliko 2:2

Elo mwalongene abantu abenji ukwinekantu, nakambi tamwalipo inchende nangu panini nangu nipamulyango. Yesu atatikile nokusambisha abantu Amashiwi yaku Lesa.

Maliko 3:20

Yesu ayile kumwabo, elo ibumba ilikulu lyalilongene pamo, ilyalengele ukuti Yesu nabakusambila bakwe bafilwe nokulya.

Maliko 7:17

Ulo Yesu afumine pebumba nokuya kwinjila munanda, abakusambila bakwe balimufumbile umwalolele ichelusho.

Maliko 7:24

Pakufumapo Yesu atelele kumipaka yaku Tule na Sidoni. Ayinjile munanda imo nokwikala. Elo tafwayilepo abantu ukwishiba inanda iyo apulilemo. Nangu chali mfi tafisamikilwepo, abantu balishibile ukuti ali munanda.

Maliko 9:28

Ulo Yesu ayinjile munanda, abakusambila bakwe balimufumbile kumbali ati, “Mulandu ndo fwebo chatukangila ukufumya umupashi uubi?”

Luka 4:23

Yesu asosele kuli bo, “Ina nchi chebo mwakwisa kusosa kuli ne ukuti, ‘We ng’anga, iposhe wemwine!’ Nakambi mwakwisa kulabila ati, ‘Chita munomushi mumyenu ifyo twaumfwile wachitile ku Kapenaumu.’”

Luka 5:18

Epo boneni abantu bambi baletele pamachila ichilema. Balyeseshe ukwinjila munanda ukuti bamutwale kuli Yesu.

Yohane 4:47

Ulo aumfwile ati Yesu alishile ukufuma ku Yudeya ukuya ku Galili, alileko kuli Ye nokumufumba ukuti aye akaposhe umwana wakwe uwali apepi nokufwa.

Imilimo ya batumwa 2:6

Ulo baumfwile nchi chiunda, abantu abenji balongene pamo. Bonse balishimbilwe pakuti umo-umo waku bo alyumfwile ifyo abatumwa balikusosa mundimi shabo.