Maliko 13:9 - Chipangano Chabwangu

⁹ “Echo mwebo muchenjele. Pakuba balikumutwala mufilye, nakambi balikumupamina ifikoti mukati kamananda akulombelamo Lesa. Balikumulubulwisha kuli bakateka nakuli bashamfumu pamulandu wanji, pakuti mwakuba bakamboni banji kuli bo.

Maliko 13:9 ပူးပေါင်းရင်းမြစ်များ

Mateyo 5:22

Nomba nebo nkomweba ati, onse uwakalipila wabo akutwalwa mukulubulula. Noyo uwakweba wabo ati, ‘We chipuba we,’ akuba nomulandu kunsaka yamilandu iikulu. Nomba uwakweba wabo ati, ‘We chinangwa we!’ Ye alingile ukumuposa mumulilo uutashimapo.

Maliko 1:44

“Umfwa, wisosapo kumuntu nangu umo pali nchi. Koya bwaka ukayilange kuli chipupila, elo ukatwale ichipupo nga mfilya Mosesi amwebele ukwebati chibe bumwanamboni kubantu ukuti ulipolele.”

Maliko 13:5

Nomba Yesu abasukile ati, “Chenjeleni ukuti umuntu nangu umo ekamubepapo.

Maliko 13:8

Pantu umutundu umo wakwimina umutundu unakwe, kabili nobumfumu bwakulwisha ubumfumu bunakwe. Kwakwisa kuba finkukuma konse-konse, kabili kwalikuba nensala. Mfi fyonse fyakuba ekutatika kwamachushi.

Maliko 6:11

Konse uko bakana ukumupokelela nokumumfwa, pakufumamo, mukakunte ulukungu kumakasa enu, lwikale bumwanamboni pali bo!”

Luka 9:5

Konse uko bantu bakana ukumupokelela, fumenimo muli ngo mushi, mukakunte nolukungu kumakasa enu chibe ichakubachenjeshako.”

Yohane 15:20

Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Imilimo ya batumwa 21:11

Ulo ayishile kuli fwebo, abulile umushipi wakwa Paulo, ayikakile kumolu nakumaboko. Elo asosele ati, “Umupashi Wabuta wasosa ati, ‘Umwine wamushipi ngu bakumukaka mu Yelusalemu ku Bayuda, nakambi bakumuposa muminwe yabenafyalo!’”

Imilimo ya batumwa 7:54

Ulo abamuchilye baumfwile amashiwi akwa Sitefano, bakalipile ukwinekantu nokusumanya ameno kubukali bwabo.

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

2 Tesalonika 1:5

Fyonse mfi filanga bwaka ukuti ubupingushi bwaku Lesa bwachine. Elo chamulinga mwebo ukuba abamubufumu bwaku Lesa ubo mukochulilamo nomba.

2 Yohane 1:8

Chenjeleni ukuti tamulufishepo ifyo mwabombela, lelo mukapokelele ichilambu chenu ichayisushiwa.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.

Ukufisulula 2:13

Ye akoti, Nalishiba uko wayikala. Wayikala nkulya ukwaba ichipuna chakwa Satana. Webo waliba uwachetekela kuli nebo, nakambi tawaposapo ichichetekelo icho ukwete muli nebo nangu mpanshita yakwa Antipasi, kamboni wanji uwachishinka. Ngu bamwipayile nkulya ukwikala Satana.