Maliko 10:1 - Chipangano Chabwangu

¹ Ulo Yesu afuminepo, ayile muchalo chaku Yudeya, ayabukile Yodani. Nakambi amabumba abantu ayishile kuli Ye, alikubasambisha ukubati fintu alikuchita inshiku shonse.

Maliko 10:1 ပူးပေါင်းရင်းမြစ်များ

Mateyo 26:55

Panuma Yesu abafumbile ati, “Napo nebo ndi chipondo, apo mwayisa nemyele nenkoli mukunjikata, bayi? Inshiku shonse nalikwikala namwebo nkosambisha munanda yaku Lesa, nokuti munjikatepo, yii.

Mateyo 4:23

Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.

Maliko 1:21

Yesu nabakusambila bakwe bayile kumushi wa Kapenaumu, epo pabushiku bwakonkelepo ubwe Sabata, Yesu ayinjile munanda yakulombelamo Lesa nokusambisha.

Maliko 10:2

Bambi abamu Bafalisi bayile kuli Yesu nokumwesha bati, “Twebeniko, napo ifunde lyesu lilasuminisha umwalalume ukubenga umukashi wakwe?”

Maliko 12:35

Ulo Yesu alikusambisha munanda yaku Lesa, afumbile abantu ati, “Kanshi chindo icho abasambishi ba Mafunde akwa Mosesi basosela ati Klistu mwana wakwa Davide?

Maliko 14:49

Inshiku shonse nalikwikala namwebo nkosambisha munanda yaku Lesa, nokuti munjikatepo, yii. Chiweme, ekuti ifyalembekwa mu Mashiwi aku Lesa fifikilishiwe.”

Maliko 2:13

Ulo Yesu afuminepo, ayile nakambi kumbali yaku Bemba wa Galili. Ibumba lyabantu ilikulu lyayile kuli Yesu, naye atatikile ukubasambisha.

Maliko 4:2

Elo alibasambishe ifintu ifinji mufyelusho. Asosele kuli bo ati,

Maliko 6:2

Ulo akasuba ke Sabata kafikile, atatikile ukusambisha munanda yakulombelamo Lesa. Abantu abenji abalikumumfwa balishimbilwe ukwinekantu nokuti, “Nga akoyishiba shani mfi fintu fyonse? Elo nga uyu umulangwe akwete wafuma kwisa? Nefiso ifyakuchita ifyakushimbwisha ifyaba nga mfi, afumya kwisa?

Maliko 6:34

Ulo Yesu apatukile mubwato, abwene ibumba ilikulu ilyabantu. Elo ababelele inkumbu pakuti bali kubati nimbelele ishitakwete chembela. Elo atatikile ukubasambisha ifintu ifinji.

Maliko 6:6

Epo alishimbilwe ukwinekantu pamulandu wakutachetekela kwabo. Elo Yesu ayile ulo enda-enda nokusambisha mumishi yamumbali.

Yohane 10:40

Elo Yesu alibwelelemo nakambi kwishilya lyamulonga wa Yodani, apo Yohane alikubatishisha pakwamba. Eko ayile kwikala.

Yohane 11:7

Kumupwilo wanshiku nshi, Yesu asosele kubakusambila bakwe ati, “Katulokuya ku Yudeya.”

Yohane 18:20

Yesu alimwasukile ati, “Nalikusosa apabuta kubantu. Nalikusambisha lonse mumananda akulombelamo Lesa namunanda yaku Lesa uko balongana Abayuda bonse. Nshalikusosapo akantu mubumfinshi iyowo.