Maliko 1:7 - Chipangano Chabwangu

⁷ Epo alikubilisha nokuti, “Uyo uwakwisa panuma yanji alinchililepo ifiso. Nebo tanshilingilepo nokwinama panshi ukuti nkakule ulushinga lwankwabilo shakwe.

Maliko 1:7 ပူးပေါင်းရင်းမြစ်များ

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Mateyo 3:14

Elo Yohane afwayile ukumukanina ati, “Nine ningile ukubatishiwa kuli webo, mba wayisa shani kuli ne?”

Maliko 1:6

Ifyakufwala fyaku ngu Yohane fyabililwe namasako angamila nakambi akwete nomushipi wampapa mumusana wakwe. Chakulya chakwe chali ninshe nobuchi.

Maliko 1:8

Nebo nkomubatisha namenshi, kuntu Ye akwisa kumubatisha ku Mupashi Wabuta.”

Luka 3:16

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Yohane 1:27

Uyo uwakwisa panuma yanji, nebo tanshilingilepo nokukakula ulushinga lwankwabilo shakwe.”

Imilimo ya batumwa 13:25

Nakambi ulo ali apepi nokupwa umulimo wakwe, Yohane afumbile abantu ati, ‘Mba mwebo mukolanguluka ati nine nani? Tenepo ngu mukopembela iyowo, kuntu Ye akoyisa panuma. Nebo tanshilingilepo nokukakula nkwanda shakwe.’

Imilimo ya batumwa 19:4

Elo Paulo asosele ati, “Yohane alikubatisha abo abali kulapila kumabifyo abo nokubeba ukuti balokuchetekela muli ngulya uwakwisa panuma, ekuti muli Yesu.”