Maliko 1:5 - Chipangano Chabwangu

⁵ Epo balile kuli Yohane abantu abenji ukufuma kuchalo chaku Yudeya, na mumusumba wa Yelusalemu, ukuya mukumfwa ifyo Yohane alikushimika. Epo balikuyisosela amabifyo abo, nokubatishiwa kuli Yohane munika ya Yodani.

Maliko 1:5 ပူးပေါင်းရင်းမြစ်များ

Mateyo 4:25

Echo amabumba abantu ayenji alimukonkele, ayafumine ku Galili, kuchalo chamishi ikumi, kumusumba wa Yelusalemu, ku Yudeya, elo nabakwitala lyamulonga wa Yodani.

Maliko 1:4

Yohane Mubatishi alikubilisha nokubatisha muchiswebebe ati, “Lapileni nokubatishiwa ukuti Lesa amunakilile amabifyo enu.”

Maliko 1:6

Ifyakufwala fyaku ngu Yohane fyabililwe namasako angamila nakambi akwete nomushipi wampapa mumusana wakwe. Chakulya chakwe chali ninshe nobuchi.

Yohane 1:28

Mfi fyonse fyachitikile mumushi wa Betaniya kwitala lyamulonga wa Yodani, uko Yohane alikubatishisha.

Yohane 3:23

Yohane naye alikubatisha ku Enoni, apepi naku Salimu, pantu nkulya kwali amenshi ayenji. Abantu balikuya kuli ye, elo alikubabatisha. (

Yohane 5:35

Yohane ali kubati inyali iyakusanika nokubutisha. Echo mwebo mwalisekelele panshita iinini ukwikala mukusanika kwakwe.

Imilimo ya batumwa 19:18

Abantu abachetekele muli Klistu abenji balikuyileta nokufisulula amabifyo bachitile palwalala.

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Yemusi 5:16

Echo fisululeni amabifyo enu onse kuli bawenu nokulombela umo nomunakwe. Ukulomba kwamuntu uwakaele kwalikwata ifiso ifikulu.