Luka 9:44 - Chipangano Chabwangu

⁴⁴ “Mulokulabukilapo nga mashiwi nkososa kuli mwebo! Umwana wa Muntu akoyembulwa kubantu.”

Luka 9:44 ပူးပေါင်းရင်းမြစ်များ

Mateyo 16:21

Ukufuma panshita njilya Yesu atatikile ukulondolwela abakusambila bakwe ati, “Ningile ukuya ku Yelusalemu uko abakulu Babayuda, intungulushi shabachipupila, nabasambishi ba Mafunde bakuya kunchusha ukwinekantu nokunjipaya. Nomba mukasuba kalenga shitatu nakwisa kubuka kubafwa.”

Mateyo 26:2

“Mulishibile ukwebati kwashala inshiku shibili ukuti akasuba kakulu ka Chakulya Chakuchilila kafike, elo Umwana wa Muntu akupelwa ukuti asamikwe pamutashi.”

Maliko 8:31

Epo Yesu abalile ukusambisha abakusambila bakwe ati, “Umwana wa Muntu akumfwa amachushi, nokusulwa kubakulu Babayuda, kuntungulushi shabachipupila, nabasambishi ba Mafunde. Bakumwipaya, kuntu mukasuba kalenga shitatu akwisa kubuka kubafwa.”

Maliko 9:31

Pakuti alikusambisha abakusambila bakwe ati, “Umwana wa Muntu akoyembulwa kubantu. Elo bakumwipaya. Nomba mubushiku bwalenga shitatu, akwisa kubuka kubafwa.”

Luka 1:66

Kuli bonse abalikumfwako balikulanguluka mumitima yabo nokufumba bati, “Nga kanshi ngu mwana akuba shani?” Pantu chilishibikilwe ukuti ifiso fyaku Lesa ali nafyo.

Luka 18:31

Yesu aitile abakusambila bakwe ikumi na babili pambali. Elo abasoseshe ati, “Boneni! Tukoya ku Yelusalemu uko fyonse fikoya kuchitika ifyalembele abasoseshi pamulandu wa Mwana wa Muntu.

Luka 2:19

Nomba Maliya alisungile ifyebo fyonse nokufilanguluka mumutima wakwe.

Luka 2:51

Elo Yesu nomba ayile nabo ku Nasaleti uko alikwikala nokubomfwila. Banyina balisungile mumutima wabo fyonse ifyasosekelwe.

Luka 24:44

Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Luka 9:22

Nakambi alibebele ati, “Umwana wa Muntu ali nokuchula ukwinekantu. Elo akusulwa kubakulu Babayuda kuntungulushi shabachipupila, bafilolo nabasambishi ba Mafunde. Bakumwipaya, kuntu mukasuba kalenga shitatu akwisa kubuka kubafwa.”

Yohane 16:31

Yesu alibasukile ati, “Kanshi nomba mukochetekela?

Yohane 16:4

Nomba mfi namweba nebo ukuti ulo yakwisa inshita yabo iyakufichita mfi, mwakwibukisha ifyo mwebele. “Nshamwebelepo mfi fintu pakutatika pakuti nali pamo namwe.

Yohane 19:11

Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Hebele 2:1

Echo ifyo twaumfwile tulingile ukufisunga bwino-bwino ukutina ukwebati panini-panini kuti twafilufya.