Luka 9:41 - Chipangano Chabwangu

⁴¹ Yesu alibasukile ati, “Mama wesu ee, mwe nkulo iitachetekela neyakulufyanya? Nakwikala nenu ukufika lwisa? Nkoshipikisha nenu ukufika lwisa? Temulandupo, leteni umulumbwana kuli nebo!”

Luka 9:41 ပူးပေါင်းရင်းမြစ်များ

Mateyo 11:28

“Iseni kuli nebo bonse mwe bakatele nokulemenwa, elo nande nakumupela ukutusha.

Mateyo 12:39

Elo naye abasukile ati, “Abantu mba ababipa abatachetekela abamuli njino nkulo bakofwaya ukubona ifyafiso ifikulu. Nomba tabakafibonepo, sembi ichachitikile kuli Yona umusoseshi.

Mateyo 12:45

Elo ulafuma nokuya kuleta imipashi inakwe isano na ibili iibipile ukuchila wo, elo ikoyisa kwinjila nokwikalamo. Kumupwilo, ngulya muntu akuba uubipile ukuchila ifyo ali pakwamba. Efyo chakuba nakuli njino nkulo iibi.”

Mateyo 16:4

Ilabipa njino nkulo iitachetekelapo muli Lesa, iikofwaya ichafiso ifikulu! Nomba tayakachibonepo, sembi ichachitikile kuli Yona umusoseshi.” Elo kafumapo nokuya kaya.

Mateyo 17:17

Yesu alibasukile ati, “Mama wesu ee, mwe nkulo iibipile neyitachetekelapo! Kanshi nakwikala nenu ukufika lwisa? Nkoshipikisha nenu ukufika lwisa? Temulandupo, letenipo umulumbwana kuli ne!”

Mateyo 23:36

Nachine nkomweba ati, abantu bamuli njino nkulo, bakwisa kupelwa umulandu pali mfi fyonse.

Mateyo 3:7

Ulo Yohane abwene Abafalisi na Basaduki abenji bakoyisa mukubatishiwa, alisosele kuli bo ati, “Mwe bana bansoka mwe! Ninani wamuchenjeshe ukubutuka kubukali bwaku Lesa ubukoyisa?

Maliko 10:14

Ulo Yesu abwene mfi, alikalipile nokuti kubakusambila bakwe, “Lekeni abana banini bese kuli nebo, mwibakanyapo, pakuti Ubufumu bwakumulu bwaku bo abali nga mba.

Maliko 10:49

Yesu alimakene ati, “Mwiteni.” Epo bayitile impofu njilya nokueba ati, “Sanguluka! Ima, akokwita.”

Maliko 9:19

Yesu alibasukile ati, “Mwe bantu batachetekela! Kanshi mukofwaya njikale nenu inshita yalepa shani? Nkoshipikisha nenu inshita yalepa shani? Temulandupo, muleteni umulumbwana kuli nebo!”

Luka 8:25

Elo Yesu afumbile abakusambila bakwe ati, “Nga ichichetekelo chenu chili kwisa?” Nomba bo balishimbilwe nokuba nomwenso uukulu. Balifumbene bati, “Nga yu muntu aba shani uwakuti aeba ichipupu namatamba neshiwi bwaka, nokumumfwila fyamumfwila?”

Luka 9:40

Nalombele abakusambila benu ukuti baufumyemo, kuntu chalibakangile.”

Luka 9:42

Ulo umulumbwana ali mukuya kuli Yesu, umupashi uubi walimupamine panshi nokumufulunganya. Elo Yesu aliukalipile umupashi ngulya nokuposha umulumbwana. Nomba elo amubweseshe kuli bawishi.

Yohane 14:9

Yesu alimwasukile ati, “Nayikala namwe inshita iitali, kuntu webo Filipo taulanjishibapo? Uyo onse uwabona nebo abona na Bata. Mulandu ndo waebela ati, ‘Tulangeni Bashinwe?’

Yohane 20:27

Elo asosele kuli Tomasi ati, “Bika umunwe obe mpa, lolesha nakumaboko anji wishibe ukuti ninebo. Tambulula ukuboko kobe wikate pachitumba chanji ukuti wikayikapo, kuntu uchetekele bwaka!”

Imilimo ya batumwa 13:18

Kanshi ashipikishe nabo imyaka amakumi ane ulo bali muchiswebebe.

Imilimo ya batumwa 2:40

Petulo asosele amashiwi ayenji nokubachenjesha ati, “Ipulusheni kukukandwa ukukoyishila nji nkulo.”

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Hebele 3:19

Echo twabona ukuti tabayinjilemo pakuti tabalikuchetekelapo iyowo.

Hebele 4:11

Tweshe nomba ukupokelela ukutusha nku, ukutina ukuti nalimo umo kuti afilwa ukwinjila mukutusha nku pamulandu wakutachetekela.

Hebele 4:2

Tempa nafwebo twalyumfwile Ubutumi Ubwawama ukubati nibo. Nomba tabayikatenepo namashiwi ngalya ayali kubilishiwa iyowo. Bali kuyomfwa bwaka, kuntu tabachetekelepo.

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.