Luka 9:39 - Chipangano Chabwangu

³⁹ Umupashi uubi ulamwikata nokutatika ukwaula nokumupama panshi kafumya nepofu mukanwa. Ulamuchenaula, elo taumulekapo, yii.

Luka 9:39 ပူးပေါင်းရင်းမြစ်များ

Maliko 9:18

Ulo umwikata lonse, ulamupama panshi elo nokufumya ipofu kukanwa, ukukwesanya ameno nomubili wonse ulauminina ntii-nti. Nayisa kupapata kubakusambila bobe ukuti baufumyemo umupashi uubi, kuntu bayisa kufilwa.”

Maliko 9:20

Bamuletele kuli Yesu. Ulo umupashi uubi wabwene Yesu, wamuwishishe panshi, nokumufulunganya, nokufumya ipofu kukanwa.

Maliko 9:26

Umupashi uubi walimufulungenye, elo walifuminemo nokwaula. Umulumbwana ashele alilele kubati alifwile, nabenji abalipo balangulukile ati, “Afwa!”

Luka 4:35

Yesu akalipile umupashi uubi ngulya ati, “Talala, fumamo muli ngu muntu!” Umupashi ngulya walimupamine panshi mulwalala. Penkapo walifuminemo ukwambula ukumuchena.

Luka 8:29

Asosele mfi pakuti Yesu aebele kale umupashi uubi ukufumamo muli ye. Inshita ishinji ulo alikuchula nomupashi ngu balikumulinda uwakakwa namangwelengwende elo nobunyololo kumaboko. Nomba fyonse alikufiputaula, elo nomupashi uubi wali kumutwala muchiswebebe.

Luka 9:38

Elo umuntu umo mwibumba alibilikishe ati, “We musambishi! Nakupapata, ba nenkumbu pamwana wanji umwalalume umo enka nakwata.

Luka 9:40

Nalombele abakusambila benu ukuti baufumyemo, kuntu chalibakangile.”

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

1 Petulo 5:8

Mulokutekanya nokuba abayibukila, pakuti akapondo kenu Satana akoyendauka uku nauku nge nkalamo ibuluma iikofwaya uwakwikata.

Ukufisulula 9:11

Shalikwete imfumu iyakushiteka. Nji mfumu mungelo ulolekesha pachilindi. Ishina lyakwe mu Chihebele ni Abadoni, elo mu Chigiliki ni Apoliyoni (ekwebati, “Wabonaushi.”)