Luka 9:1 - Chipangano Chabwangu

¹ Yesu ayitile pamo abakusambila bakwe ikumi na babili. Abapele ifiso nensambu ishakutamfya imipashi iibi nokuposha amalwele.

Luka 9:1 ပူးပေါင်းရင်းမြစ်များ

Mateyo 16:19

Nakukupa imfungulo shabufumu bwakumulu. Chonse icho wakaka panonshi nakumulu chakakwa, necho wakakula panonshi, nakumulu chakakulwa.”

Mateyo 4:24

Ululumbi lwakwe lwalitulikile muchalo chonse icha Siliya. Elo abantu batwite kuli Yesu bonse abalikulwala amalwele aapusene-pusene, abayiketwe imipashi iibi, abachinkoni-nkoni, nababulebe, bonse kabaposha.

Mateyo 8:9

Pakuti nandibo ndikwete insambu ishafuma kubakulu banchito. Elo ndikwete abashilikali abo ntungulula. Nga naebapo umo ati, ‘Koya,’ naye kaya. Nakuli umbi ati, ‘Isa,’ naye kayisa. Nakumubomfi wanji nati, ‘Chita nchi,’ naye kachita.”

Luka 10:1

Panuma yaku nchi, Bashikulu basalile abalalume bambi amakumi asano na abili nabantupo babili, nokuti batanjile babili-babili kumisumba nakufifulo fyonse umo umwine ali nokuya.

Luka 10:19

Umfweni, namupela ifiso ifyakunyantilapo pansoka napatumini, nokuchila pafiso fyakapondo. Tapali akantu akakumuchenesha nangu panini.

Yohane 14:12

Nachine nkomweba ati, uyo onse uwachetekela muli nebo akwisa kuchita imilimo iyo nebo nkochita. Ina, akwisa kuchita imilimo iikulu nokuchishapo, pantu nkoya kuli Bata.

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

Imilimo ya batumwa 3:16

Kanshi ngu muntu mukobona nokwishiba, achetekela mwishina lyaku Yesu. Elo ishina ndi elyamuposha. Nachine chichetekelo muli Yesu ichalenga ukuti ngu muntu apole.

Imilimo ya batumwa 4:30

Tambululeni ukuboko kwenu ukuti muposhe abantu nakambi mulenge ukuti ifiso fwenu ifikulu fiboneke mwishina lyaku Yesu Umupyungi wenu Uwabuta.”

Imilimo ya batumwa 9:34

Petulo asosele ati, “Eneyasi, Yesu Klistu akuposha. Ima wansule impasa yobe.” Bwangu-bwangu Eneyasi alimakana.