Luka 8:41 - Chipangano Chabwangu

⁴¹ Elo umuntu uwalikwitwa Yayilo ayishile. Ali umukulu wananda yakulombelamo Lesa. Elo afukeme pamakasa aku Yesu nokumupapatila ukwebati aye nakwe kunanda yakwe,

Luka 8:41 ပူးပေါင်းရင်းမြစ်များ

Luka 13:14

Nomba umukulu uwamunanda iyo alikalipile pantu Yesu aposeshe umuntu pe Sabata. Epo asosele kubantu ati, “Kwaba inshiku shisano nabumo isho tulingile ukupyunga, iseni muli nshilya nshiku mukuposheka, kuntu pe Sabata tepopo!”

Luka 17:16

Ulo afikile, afukeme pamakasa aku Yesu nokumutotela. Ngu muntu ali mwina Samaliya.

Luka 5:8

Simoni Petulo pakubona ichachitikile, afukeme pamakasa aku Yesu nokulabila ati, “Bashikulu, fumeniko kuli nebo pantu ndi mbifi!”

Luka 8:42

pakuti akwete umwana umo umwanakashi uwamyaka ikumi na ibili, uwali apepi nokufwa. Pakuya Yesu, abantu abenji abafumine mumbali shonse balimushingulukile nokumufininkisha.

Luka 8:49

Ulo Yesu alikusosa mfi, intumi yalishile ukufuma kunanda yakwa chilolo nokuti, “Umwanansungu obe afwa. Mba nindo ukochushisha musambishi?”

Yohane 11:21

Elo Malita asosele kuli Yesu ati, “Bashikulu, nga mwali nkuno indume yanji nga tayafwilepo!

Imilimo ya batumwa 13:15

Ati bapwe ukupenda Amafunde akwa Mosesi nabasoseshi, abakulu bachilonganino basosele kuli bo ati, “Mwe bawesu, kati mulipo namashiwi yakukoselesha abantu, soseni.”

Imilimo ya batumwa 18:17

Bwangu-bwangu bonse batatamwine umwalalume uwalikwitwa Sositenesi, umukulu wananda yakulombelamo Lesa, nokumupamina penka pachilye. Nomba Galiyo tasakamenepo pali nchi nangu panini.

Imilimo ya batumwa 18:8

Elo umwalalume uwalikwitwa Kilisipasi, umukulu wananda yakulombelamo Lesa, naye alichetekele muli Bashikulu pamo nabamunanda yakwe bonse. Ulo abena Kolinto abenji baumfwile ukusambisha kwakwa Paulo, balichetekele nabenji balibatishiwe.

Imilimo ya batumwa 9:38

Pakuba umushi wa Lida wapalamine na Yopa. Ulo abachetekela bamu Yopa baumfwile ukuti Petulo ali mu Lida, batumineko abalalume babili namashiwi ayakuti, “Endesha ukwisa nkuno.”

Ukufisulula 5:8

Ulo ashilile ukupoka ibuku, ifyabumi fine mfilya nabachilolo amakumi abili nabane, balifukeme pantanshi ya Mwana wambelele. Umo pali bo alikwete isese nembakuli ishagolide ishayiwilemo notwanunkilila bwino. Ukununkila nkulya kwali kulomba kwabantu baku Lesa.